Xongkongda élip bériliwatqan saylam riqabiti xitay siyasitining ochuq-ashkara bolush chékini sinaydu


2007.03.15

Roytris agéntilqining xongkongdin bergen xewirige qarighanda, 15 ‏- mart, xongkong memuriyitining bashliqi bolushni talishiwatqan ikki kandidat, shu jay waqti bilen peyshenbe küni kechte téléwizorda munazire élip barmaqchi. Bu téléwizor munazirisi bir heptidin kiyin xongkongda élip bérilidighan bashliq saylimida xitay siyasitining ochuq-ashkara bolush chékini sinaydiken.

Xongkongdiki öktichi partiye tereptin tallan'ghan tunji namzat lyang jyajyé (梁家杰 - alan long), hazir xongkongda wezipe ötewatqan, xitay hökümiti qollaydighan zing yingchu'en (donald Tsang) gha qarshi saylamgha qatnishidu.

25 ‏- Mart, 796 neper kishidin terkip tapqan béyjingperes bahalighuchilar xongkongning kéler nöwetlik bashliqini tallap chiqidu.

Analizchilarning qarishiche, zing yingchü'enning utush nisbiti intayin töwen iken. Ikki hepte ilgiri tunji qétimliq munaziridiki ghelibilik netijisi bilen lyang jyajyé béyjingni temtiritip qoyghan.

Xongkong sheherlik uniwérsitét siyasiy analizchisi jeymis sung "méningiche, merkizi hökümet azraq bésim hés qiliwatidu." Deydu.

Mulahizichilerning qarishiche, xongkongda élip bérilidighan bu téléwizor munazirisi, hökümet bashliqliri öch almay, ochuq-yoruq saylam riqabiti élip baridighan ehwal intayin kem uchraydighan xitaydiki tunji bashlinish iken. Lékin, xitay hökümet emeldarliri xongkongning siyasi islahatidiki axirqi qararni yenila béyjing chiqiridu dep agahlandurghan.

Xitay dölet mejilisining mu'awin re'isi chéng siwiy seyshenbe küni xongkongni agahlandurup mundaq dédi " eger xongkong siyasetke ariliship nurghun waqit serp qilsa, yaki barliq waqtini mushu ishqa serp qilsa, choqum chetke qéqilidu". Xongkongda élip bérilidighan bu téléwizor munazirisni 8 axbarat tarqitish shirkiti orunlashturghan bolup, xelq ammisi daxil bolghan chong zalda élip bérilidiken. Bu munaziride xelq ammisi kandidatlardin biwaste su'al soriyalaydighan bolup, mushu jehette amérikida élip bérilidighan téléwizor munaziriliridin roshen perqlinidiken. Amérikida élip bérilidighan téléwizor munazirisge peqet mu'eyyen nisbettiki tallan'ghan amma qatnishidu. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.