خۇ جىنتاۋ 1 ‏- ئىيۇل كۈنى خوڭكوڭدا نامايىش باشلىنىشتىن بۇرۇن بېيجىڭغا قايتىدىكەن


2007-06-27
Share

رادىئومىز مۇخبىرلىرىنىڭ خوڭكوڭدىن ئالغان ئۇچۇرلىرىغا قارىغاندا، خىتاينىڭ دۆلەت رەئىسى خۇ جىنتاۋ 6 ‏- ئاينىڭ 29 ‏- كۈنى خوڭكوڭغا بارىدۇ. ئۇ 7 ‏- ئاينىڭ 1 ‏- كۈنى خوڭكوڭنىڭ خىتايغا قايتۇرۇلغانلىقىنىڭ 10 يىللىقىنى تەبرىكلەش ۋە خوڭكوڭدا 3 ‏- نۆۋەتلىك ئالاھىدە رايون ھۆكۈمىتى ھوقۇق تۇتۇشقا باشلىغانلىقىنى تەبرىكلەش مۇراسىملىرىغا قاتنىشىدۇ.

خوڭكوڭنىڭ خىتايغا قايتۇرۇلغانلىقىنىڭ 10 يىللىقىنى تەبرىكلەش پائالىيەتلىرى جەريانىدا، 7 ‏- ئاينىڭ 1 ‏- كۈنى چۈشتىن كېيىن سائەت 3 تە، خىتاي كوممۇنىست ھۆكۈمىتىنىڭ دېموكراتىيىنى بوغقانلىقىغا نارازىلىق بىلدۈرىدىغان چوڭ نامايىش بولىدىغانلىقى، نامايىشتا 1989 ‏- يىلى بېيجىڭدىكى تيەنئەنمېن مەيدانىدا يۈز بەرگەن قانلىق باستۇرۇش ۋەقەسى ھەققىدە نۇتۇق سۆزلىنىدىغانلىقى بۇنىڭدىن خېلى بۇرۇنلا ئېلان قىلىنغان ئىدى.

ئۇچۇرلارغا ئاساسلانغاندا، خۇ جىنتاۋ خوڭكوڭدا نامايىش باشلىنىشتىن بۇرۇن بېيجىڭغا قايتىپ كېلىدىكەن. (ۋەلى)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت