Xu jintaw 1 ‏- iyul küni xongkongda namayish bashlinishtin burun béyjinggha qaytidiken


2007.06.27

Radi'omiz muxbirlirining xongkongdin alghan uchurlirigha qarighanda, xitayning dölet re'isi xu jintaw 6 ‏- ayning 29 ‏- küni xongkonggha baridu. U 7 ‏- ayning 1 ‏- küni xongkongning xitaygha qayturulghanliqining 10 yilliqini tebriklesh we xongkongda 3 ‏- nöwetlik alahide rayon hökümiti hoquq tutushqa bashlighanliqini tebriklesh murasimlirigha qatnishidu.

Xongkongning xitaygha qayturulghanliqining 10 yilliqini tebriklesh pa'aliyetliri jeryanida, 7 ‏- ayning 1 ‏- küni chüshtin kéyin sa'et 3 te, xitay kommunist hökümitining démokratiyini boghqanliqigha naraziliq bildüridighan chong namayish bolidighanliqi, namayishta 1989 ‏- yili béyjingdiki tyen'enmén meydanida yüz bergen qanliq basturush weqesi heqqide nutuq sözlinidighanliqi buningdin xéli burunla élan qilin'ghan idi.

Uchurlargha asaslan'ghanda, xu jintaw xongkongda namayish bashlinishtin burun béyjinggha qaytip kélidiken. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.