Кишилик һоқуқ паалийәтчиси ху җияниң адвокати йоқап кәтти


2008-03-10
Share

Кишилик һоқуқ тәшкилатлириниң билдүрүшичә, хитайдики кишилик һоқуқ паалийәтчиси ху җия билән йеқин мунасивәтлик адвокат туюқсиз йоқап кәткән болуп,хоңкоңға җайлашқан хитай кишилик һоқуқ адвокатлири җәмийитиниң тор бетидә көрситилишичә, адвокат тең бяв пәйшәнбә күни бейҗиңдики ишханисидин қайтип кәлмигән. Униң аялиниң билдүрүшичә, у адәттә кәч саәт 8 ләр әтрапида өйигә келип болидикән.

Франсийә агентлиқиниң нәқил елип көрситишичә, тең биявниң аяли ваң лиң йолдиши өйгә келидиған вақит болғанда өзи турушлуқ бина алдида варқираш - җарқирашларни аңлиғанлиқини билдүргән болса, кочидики кишиләр бир кишиниң қара рәңлик пикапқа мәҗбурий бесип елип кетилгәнликини билдүрүшкән.

Мәлум болушичә, һазирчә мәзкур кишиниң тең бяв икәнлики техи җәзимләштүрүлмигән болсиму, әмма хитайда кишилик һоқоқ паалийәтчилирини қолға елиш буйруқисизла тутулуп кетидиған ишлар көп учрайдикән.

Тең әслидә хитайдики әйдиз паалийәтчиси ху җия билән йеқин болуп, у хитай сияси тәтқиқат университетиниң лектори вә қошумчә адвокат иди.

Тең икки йилиниң алдида кишилик һоқоқ делоси ишләватқан мәзгилдә ху җия билән учрашқан вә бирләшмә агентлиқиниң зияритини қобул қилғанда ху җияға юқири баһа берип: "ху җия мән билидиған паалийәтчиләр ичидә әң қорқумсиз адәм иди. У кишилик һоқуқ мәсилисидин өзини қачурған әмәс" дегән иди. (Җүмә)‏

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт