Xitay générali ju chingxuning sözi amérika hökümitining diqqitini qozghidi


2005.07.18
Share on WhatsApp
Share on WhatsApp

Jonggo dölet mudapi'e uniwérsitétining ilmiy mudiri général mayor ju chingxuning eger amérika teywen urushigha arlashsa, amérika herbiy nishanlirigha yadro qorallar bilen zerbe bérish kérek, dégen sözi amérika da'irilirining diqqitini qozghidi. Amérika tashqi ishlar ministirliqi, ju chingxuning sözi xitay hökümitining meydanigha wekillik qilmasliqini ümid qildi.

Ju chingxu ötken peyshenbe küni xongkong metbu'atlirigha bayanat bérip, "eger amérikiliqlar bashqurulidighan bomba we hujum qilish pozisiyisini jonggo térritoriyisige orunlashtursa, méningche biz yadro qorallar bilen jawab bérishimiz kérek," dep tekitligen. Ju chingxu bu sözlerni amérika dölet mudapi'e ministirliqi xitayning herbiy hazirliqlar ehwali toghrisida doklat teyyarlawatqan bir chaghda sözlidi.

Amérika tashqi ishlar ministirliqining tekitlishiche, ju chingxuning sözi " éghir mes'uliyetsizlik" ke yatidiken. Amérika, ju chingxuning sözi xitay hökümitining resmi meydanigha wekillik qilmasliqini ümid qilimiz, dep körsetti.

Xitay tashqi ishlar ministirliqi, ju chingxuning sözi uning shexsiy köz qarishigha wekillik qilidighanliqini bildürdi. Ju chingxu shu qétimqi muxbirlarni kütüwélish yighinida, "jonggo terep shi'enning sherqidiki pütün sheherlerning weyran bolushigha teyyarliq qilip qoydi, biraq amérikimu nechche yüz shehrining jonggo teripidin weyran qilinidighanliqigha teyyarliq qilip qoyushi kérek," dep agahlandurghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet