Amérika dölet mejlis ezaliri yang jyenlini qoyup bérishke chaqiridighan qarar maqullidi


2006.04.11

Amérika dölet mejlisining kéngesh we awam palata ezaliri prézidént bushtin xitay dölet re'isi xujintaw bilen bu ayning 20 - küni uchrashqanda, xitay démokratiye pa'aliyetchisi yang jyenlini qoyup bérishke ündeshni telep qildi.

Xitay da'iriliri merkizi amérikidiki junggo 21 - esir fondi jem'iyitining re'isi yang jyenlini 2002 - yili qolgha alghandin kéyin, teywen'ge jasusluq qilish we junggo zéminigha qanunsiz kirish bilen eyibligen hemde qamaq jazasigha höküm qilghan. 119 Neper awam palata ezasining prézidént bushqa yollighan xétide " biz sizning re'is xu jintawni yang jyenlini qoyup berse, junggo héchnimisidin ayrilip qalmaydighanliqigha qayil qilishingizni ümid qilimiz " déyilgen.

Hénri xayd, barnéy frank, tam lantos, kristofir simit, maykil kapu'ano qatarliq awam palatasida zor tesir küchke ige zatlar teripidin yézilghan xette, "eksiche junggo buningdin, ikki döletning öz ‏- ara istratégiyilik shériklik munasiwitide ijabiy desmayige ige bolidu " dep tekitligen. Prézidént bush yang jyenli mesilisini ötken yili xu jintaw bilen nyu yorkta körüshkende otturigha qoydi. Lékin xitay tashqiy ishlar ministirliqi bayanatchisi lyu jyenchaw seyshenbe küni yangjyenli dilosining junggo qanunliri boyiche bir terep qilin'ghanliqini bildürgen.

Béyjing hökümiti her qétim amérika bilen yuqiri derijilikler söhbiti élip bérishtin burun türmidiki bezi öktichilerni qoyup bérip kelmekte. Ular ötken yili 3 - ayda amérika tashqiy ishlar ministiri kondiliza rayis béyjingni ziyaret qilishtin burun Uyghur kishilik hoquq pa'aliyetchisi rabiye qadirni qoyup bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.