Amérika dölet mejlisi yang jyenlini eslesh yighini ötküzdi


2005.04.27

Amérika dölet mejlisi seyshenbe küni xitay démokratchisi yang jyenlining xitay hökümiti teripidin qolgha élin'ghanliqining 3 yilliqi munasiwiti bilen, uni xatirilesh yighini ötküzdi.

Yighin'gha qatnashqan amérika dölet mejlisining awam palata ezasi barniy frenk bu munasiwet bilen söz qilip, xitay hökümitining yang jyenlini qolgha élishi, héchqandaq asasi bolmighan "wehshiyane bir heriket" dep bildürdi.

U sözide yene, "xitay hökümiti choqum shuni chüshünüp yétishi kérekki, ular yang jyenlige dawamliq qopal mu'amile qilip, asasiy qanunni hörmet qilmaydiken, ular hergizmu tama qilip kéliwatqan xelq'ara jama'itining hörmitige érishelmeydu" dédi.

Amérika dölet mejlisidiki awam we kéngesh palatasi her ikkilisi birlikte xitay hökümitidin yang jyenlini qoyup bérishni telep qilish toghrisida qarar maqullighan idi. Shundaqla birleshken döletler teshkilatimu yang jyenlining qolgha élinishining xelq'ara qanun'gha xilap qilmish ikenlikini eskertken.

Yang jyenli 1989 - yilidiki tyen'enmén oqughuchilar herikitige qatnashqan oqughuchilar rehberlirining bir bolup, mezkur heriket xitay hökümiti teripidin qanliq basturulghandin kéyin, u amérikigha chiqip ketken idi. U amérikidiki mezgilide ataqliq xarword uniwérsitétining tetqiqatchisi bolup ishligen. U 2004 - yili 4 - ayda xitaygha barghanda, xitay hökümiti uni ishpiyonluq pa'aliyiti bilen shoghullan'ghan we xitaygha qanunsiz kirgen dégen jinayet bilen qolgha élip, 5 yilliq türmige tashlighan idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.