Японийә хитайниң шәрқий деңиз нефитликини бирликтә ечиш тәклипини рәт қилди

японийә һөкүмити чаршәнбә күни хитайниң сенкаку арили әтрапида бирликтә нефит ечиш тәклипини рәт қилди. японийиниң ички кабит башлиқи шинзу абе "бу биз қобул қилалайдиған бир тәклип әмәс" деди.

Бу хитайниң шәрқий деңиз нефитликини ечиш мәсилисидә японийә билән елип барған 4‏-қетимлиқ сөһбити болуп, бу нөвәт хитай тәрәп икки дөләт арисидики талаш-тартиштики бир қисим аралларниң әтрапида чәклик һалда нефит қидириш ишлирини елип бериш тәклипини сунған иди.

японийә ташқи ишлар министири таро асо чаршәнбә күни ички кабент башлиқиниң баянатини илгирләп чүшәндүрүп, японийиниң хитай билән сенкаку араллириниң әтрапида газ қидириш ишлирини елип бериш пиланиниң йоқлиқини билдүрди. У йәнә, " мәйли тарихий көриниш яки хәлқара қанунға асасән болсун, сенкако араллири шүбһисиз японийиниң территорийисигә тәвә" деди.

Нөвәттә икки дөләт оттурисидики мунасивәт бир қәдәр җиддий түс алған болуп, сенкако араллиридики һәр қандақ бир уштумтут вәқә икки тәрәпниң мунасивитини техиму кәскинләштүриветиши мумкин. Гәрчә икки дөләт оттурисидики 4‏- қетимлиқ сөһбәттә һечқандақ илгирләш көрүлмисиму, лекин хитай даирилири буниңға актип баһа бәрди. (Пәридә)