Dunya ashliq pilan komitéti xitaygha bérilidighan yardemni toxtatmaqchi


2004.12.13

Birleshken döletler teshkilatining dunya ashliq pilan komitéti 2005 - yilidin bashlap, xitaygha béridighan ashliq yardimini toxtitidighanliqini bildürdi.

En'gliye b b s radi'o téléwiziye shirkitining xewirige qarighanda, dunya ashliq pilan komitétining mes'uli jéms morris ( James Morris) ularning bu qararni chiqirishidiki sewepning, xitay iqtisadiy tereqqiy qilip, dölet ichidiki namratchiliq mesilisini hel qilalighidek iqtidari bar bolghanliqidin ikenlikini bildürdi.

Ötkenki 25 yildin buyan, dunya ashliq pilan komitéti xitaydiki 35 milyondin oshuq kishige ashliq yardimi bérip kelgen idi. Nöwette xitayda ziyarette boliwatqan jéyms morris ependi, xitayning bash ministiri wén jyabaw qatarliq bir qanche rehberliri bilen körüshüp, xitayning tézdin ashliq yardem bergüchi döletler qatarigha kirishini ümid qilidighanliqini bildürdi.

Xewerde körsitilishiche, bezi xitay emeldarliri, dunya ashliq pilan komitéti yardemni toxtatqandin kéyin, xitayning yenila bashqa yollar bilen yardemge érishishke éhtiyajliq ikenlikini ilgiri sürgen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.