Хитайда йүз бәргән топилаңда 80 қа йеқин сақчи яриланди


2005-04-11
Share

Йәкшәнбә күни хитайниң җеҗяң өлкиси доңяң шәһириниң хвашүй районида деһқанлар билән хитай сақчилири оттурисида йүз бәргән қаттиқ тоқунушларда 80 қа йеқин хитай сақчиси вә һөкүмәт әмәлдари яриланди.

Франсийә агентлиқиниң бейҗиңдин хәвәр қилишичә, йәкшәнбә күни калтәкләр билән қоралланған хитай сақчилири, яшанған аяллар тәрипидин районда бир химийә карханисиниң қурулушиға қарши өткүзүлгән намайшни қаттиқ қоллуқ билән тарқитишқа тиришқан. Сақчилар намайшчиларни тарқитиш үчүн көздин яш аққузидиған газ ишләткән. Намайишчиларни тарқитиш җәрянида намайишчи аяллардин бири сақчи машиниси тәрипидин бесип өлтүрүлгәнлики техиму көп кишиләрниң намайиш боливатқан җайға келип намайишчиларға қошулушиға вә намайшчилар билән хитай сақчилири оттурисида тоқунушларниң башлинишиға сәвәп болған. Тоқунушларда 70, 80 әтрапида сақчи хадими вә райондики һөкүмәт әмәлдари яриланған.

Франсийә агентлиқиниң намайишни өз көзи билән күргәнләрниң сөзлирини нәқил кәлтүрүшичә, намайишчи аялниң хитай сақчи машиниси астида җан беришидин ғәзәпләнгән намайишчиларсақчи машинилирини өрүп, деризилирини чеқивәткән.

Райондики бир сақчи хадиминиң билдүрүшичә, хитай сақчилири билән тоқунушқан намайишчиларниң сани 10 миң кишигә йетидикән. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт