Xitayda yüz bergen topilangda 80 qa yéqin saqchi yarilandi


2005.04.11
Share on WhatsApp
Share on WhatsApp

Yekshenbe küni xitayning jéjyang ölkisi dongyang shehirining xwashüy rayonida déhqanlar bilen xitay saqchiliri otturisida yüz bergen qattiq toqunushlarda 80 qa yéqin xitay saqchisi we hökümet emeldari yarilandi.

Fransiye agéntliqining béyjingdin xewer qilishiche, yekshenbe küni kaltekler bilen qorallan'ghan xitay saqchiliri, yashan'ghan ayallar teripidin rayonda bir ximiye karxanisining qurulushigha qarshi ötküzülgen namayshni qattiq qolluq bilen tarqitishqa tirishqan. Saqchilar namayshchilarni tarqitish üchün közdin yash aqquzidighan gaz ishletken. Namayishchilarni tarqitish jeryanida namayishchi ayallardin biri saqchi mashinisi teripidin bésip öltürülgenliki téximu köp kishilerning namayish boliwatqan jaygha kélip namayishchilargha qoshulushigha we namayshchilar bilen xitay saqchiliri otturisida toqunushlarning bashlinishigha sewep bolghan. Toqunushlarda 70, 80 etrapida saqchi xadimi we rayondiki hökümet emeldari yarilan'ghan.

Fransiye agéntliqining namayishni öz közi bilen kürgenlerning sözlirini neqil keltürüshiche, namayishchi ayalning xitay saqchi mashinisi astida jan bérishidin ghezeplen'gen namayishchilarsaqchi mashinilirini örüp, dérizilirini chéqiwetken.

Rayondiki bir saqchi xadimining bildürüshiche, xitay saqchiliri bilen toqunushqan namayishchilarning sani 10 ming kishige yétidiken. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet