Xitay xelq qurultiyi kéler yili xususi mülük hoquqini qoghdash qanuni chiqirishi mumkin


2006.12.29
Share on WhatsApp
Share on WhatsApp

15 - Nöwetlik xitay xelq qurultiyining kéler yili 3 - ayda chaqirilidighan 5 - omumi yighinida uzundin béri talash tartish qilinip kéliwatqan xususi mülük hoquqini qoghdash qanuni maqullinishi mumkin.

Shexslerning mölük hoquqini qoghdash qanuni buningdin besh yil burun otturigha qoyulghandin béri, hazirgha qeder 7 qétim tüzitish kirgüzülgen. Bu jeryanda mezkur qanun xitay jem'iyitide, ilim sahesi shundaqla siyasi sahede zor talash tartish qozghidi.

Mezkur qanun'gha qarshi turghuchilar xususi mülük hoquqini qoghdash qanuni hökümetning iqtisadqa bolghan kontrolluqini tewritip qoyidu shundaqla kembegheller bilen baylar perqini chongaytiwétidu, dep qarimaqta. Lékin bu qanunni qollighuchilar, mezkur qanundiki bezi maddilar xususi mülikni qoghdash jehette téxi yéterlik emes, dep tenqidlimekte.

Shinxu'a axbarat agéntliqining xewer qilishiche, mezkur qanun 5 qétim özgertilgendin kéyin dölet igilikidiki iqtisadning yétekchilik roligha alahide ehmiyet bérilgen bolup, bu qanun'gha qarshi turghuchilar andin peskoygha chüshken.

Roytérs axbarat agéntliqi mezkur qanunning xitay chong quruqliqidiki metbu'atlarda ashkare munazire qilish cheklen'genlikini xewer qildi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.