Хитай йеңи йилда бир йүрүш йеңи қанун-қаидиләрни йолға қойди


2006-01-01
Share

Хитай һөкүмити 2006‏- йили 1‏-айниң 1‏- күнидин башлап, 87 түрлүк йеңи қанун-қаидиләрни йолға қойди. Булар йеза-игилик баҗлирини бикар қилиш вә шәхсләрниң тапавәт беҗини ашуруш қатарлиқларни өз ичигә алди.

Хитай даирилириниң мәлум қилишичә, бу йеңи йилдин башлап, хитайдики 900 милйон деһқан 2600 нәччә йилдин буян давам қилип кәлгән йеза-игилик беҗидин тәлтөкүс қутулидикән. Әмма хитай даирилири баҗни бикар қилиш дегәнликниң деһқанлар әмди һәргизму баҗ төлимәйду дегәнлик болмайдиғанлиқини, әгәр деһқанлар тиҗарәт вә кархана қуруш билән шоғулланса, уларниң йәнила мунасивәтлик түрләрдики баҗни тапшуридиғанлиқини көрсәткән.

Йеқинқи йиллардин буян деһқанларниң һәр хил баҗ-селиқларға қарши наразилиқлири барғансери өрлигән болуп, бу давамлиқ деһқанлар билән йәрлик һөкүмәт оттурисида түрлүк тоқунушларни пәйда қилатти. Көзәткүчиләр һөкүмәтниң, бу хилдики әһвалларниң җәмийәт аманлиқиға зиян селишидин әнсирәп бу қарарни чиқарғанлиқини илгири сүрмәктә.

Йеңидин йолға қоюлған бу қанун-қаидиләрниң ичидә йәнә, хизмитидә хаталиқ вә бихәстәлик қилған кадирларни хизмитидин тохтутуш түзүми һәмдә қатнаш бихәтәрлик қануниға аит бир қанчә йеңи бәлгилимиләрму бар икән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт