Chin shüybyen yéngi yil nutuqida ikki qirghaq munasiwiti heqqide toxtaldi
2005.01.02
Teywen prézidénti chin shüybyen shenbe küni bergen yéngi yilliq nutuqida, xitay hökümitining teywen'ge qoralliq hujum qilish üchün "qanuniy asas" yaritishqa uruniwatqanliqini qattiq eyiplidi. Buning aldida xitayning dölet re'isi xu jintaw, teywenning xitaydin ayrilishigha qet'iy yol qoymaydighanliqi heqqide tehdid salghan idi.
Fransiye axbarat agéntliqining xewirige qarighanda, chin shüybyen nutuqida "ötkenki töt yildin buyan, teywen xitaygha köp qétim tinichliqperwer yaxshi niyitini ipadilep, ikki qirghaq söhbitini qayta bashlash heqqide aktip izden'gen'gen bolsimu, biraq xitay chong quruqliqi, teywen'ge qoral ishlitish tehtididin waz kechmidi" didi. U yene, xitay kompartiyisining nöwette "bölünüshke qarshi qanun" ni chiqirish arqiliq , teywen boghuzining hazirqi siyasiy halitini özgertishke uruniwatqanliqini, buning rayon we pütün dunyaning bixeterlikige zor tehdid ikenlikini tekitlidi.
Xitayning dölet re'isi xu jintawmu yéngi yilliq nutuqida xitayning teywen mesilisidiki meydanini qayta tekitligen. U béyjingning , tinich halda teywen bilen birlikke kélishke zor küch chiqiridighanliqini, biraq héchqandaq kishining her qandaq shekil bilen teywenni béyjingdin ayrishigha yol qoymaydighanliqini körsetken.
Xitay hökümiti yéqinda teywen'ge qaritilghan " bölünüshke qarshi qanun layihisi" ni muzakire qilghan. Bu béyjing bilen teywen munasiwitining téximu jiddilishishishge yol achqan idi. (Arzu)
Munasiwetlik maqalilar
- Teywen parlamént saylimining netijisi élan qilindi
- Teywen, dölet igilikidiki shirketlerning isimliridiki xitay sözini élip tashlashni qarar qildi
- Chin shüybyen asasiy qanun'gha özgertish kirgüzüsh teywenning musteqilliqini ilgiri sürüsh bilen munasiwetsiz dep bildürdi
- Xitay chén shüybiyenni musteqilliq xahishi bar dep eyiplidi
- Chén shuybiyen, 2008 yili teywen asasiy qanunini resmiy yosunda békitidighanlqini ilgiri sürdi
- Kolin powél, béyjing bilen teywenning söhbitini eslige keltürüshi üchün térishchanliq körsitidighanliqini bildürdi
- Xitay hökümiti chén shüybiyenning chaqiriqini ret qildi
- Xitay hökümiti chén shuybiyenning chaqiriqini ret qildi
Köp körülgen xewerler
RFA
- Uyghurlarning nopusi heqqidiki eng yéngi kitab
- Dolqun eysa b d t kishilik hoquq kéngishidin Uyghur irqiy qirghinchiliqigha qarita emeliy heriket qollinishni telep qildi
- Qirghizistanda Uyghur tili mu'ellimlirini terbiyelesh dersi bashlandi
- Atlantik kéngishi: “Xitayning Uyghurlarni nishan qilghan insaniyetke qarshi jinayiti axirlashmidi”
- Türme etret bashliqi: “Türme térilghu yerlirini xitaylar hödde alidu, Uyghur mehbuslar ishleydu”