Хитай сүний һәмраһи тартқан ай шари сүритиниң растлиқини тәкитлиди


2007-12-03
Share

Хитай йеқинда ай шари орбитисиға чиқарған "ай пәриси" сүний һәмраһи ай шари йүзиниң фото сүрәтлирини йәр йүзи тәкшүрүш понкитлириға әвәтишкә башлиғанлиқини хәвәр қилғандин кийин, тәнқидчиләр, хитай ашкарилиған ай шари йүзи фотосиниң америка сүний һәмраһи тартқан сүрәтни көпәйтиш арқилиқ һасил қилинған сахта сүрәт икәнликини илгири сүргән иди.

Бирләшмә агентлиқида көрситилишичә, дүшәнбә күни хитай аләм қатниши қурулуши хадимлири тәнқидчиләрниң пикирлирини рәт қилип, хитай сүний һәмраһи тартқан ай шари сүритиниң һәқиқий икәнликини тәкитлигән.

Әмма тәнқидчиләр, хитай тилида чиқидиған тор бәтлиридә, мәзкур сүний һәмраһ тартқан рәсимниң һәқиқий икәнликигә соал қоюп, мәзкур сүрәт америка сүний һәмраһи икки йил аввал ай шари орбитисида тартқан сүрәткә қуюп қойғандәк охшайдиғанлиқини оттуриға қоюп, қандақсигә хитай сүний һәмраһиниң америка сүний һәмраһи билән дәлму-дәл охшаш орунда туруп бундақ сүрәтни тартқанлиқидин шүбһилинидиғанлиқини ипадиләшкән иди.

Бирләшмә агентлиқиниң , хитай ай шарини тәкшүрүш қурулушиниң директори ояң зиюәнниң ейтқанлиридин нәқил елип көрситишичә, у тәнқидчиләрниң пикирлирини рәт қилип: "чүнки хитай билән америка бундақ сүрәтләрни охшаш районда тартқан болғачқа, сүрәтләрдә охшашлиқ мәвҗут" дегән вә тәпсилий қариса пәрқини байқиғили болидиғанлиқини тәкитлигән.

Өткән һәптә, хитай баш министири вен җиябав, хитай алдинқи айда ай шари орбитисиға чиқарған "ай пәриси - 1" типлиқ сүний һәмраһни тәбрикләш мурасимида, мәзкур сүний һәмраһ тартқан бир парчә сүрәтни ашкарилиған иди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт