Xitaylar yéshil kart tüzümini yolgha qoyushqa bashlidi


2004.08.20
Share on WhatsApp
Share on WhatsApp

Xitay hökümiti chet'elliklerning xitayda menggülük olturaqlishishigha ruxset qilinidighan yéshil kart tüzümi toghrisidiki qanunini testiqlidi.

Shinxu'a axbarat agéntliqining xewer qilishiche, yéshil kartqa iltimas qilishqa bolidighan chet'ellikler asasliqi xitayda xizmet qilidighan yuqiri derijilik téxnikilar, xitaygha meblegh salghuchilar, xitay döliti éhtiyajliq bolghan ixtisas igiliridin ibaret. A'ilisi xitayda yashaydighan chet'elliklermu bu qanun boyiche yéshil kartqa érisheleydu. Yéngi qanun 8 - ayning 15 din bashlap resmi yolgha qoyuldi.

Gerche yéshil kartqa "menggülük olturaqlishish guwahnamisi" dep nam bérilgen bolsimu, biraq yéshil kart yéshigha toshmighanlar üchün 5 yilliq, chonglar üchün 10 yilliq muddet bilen bérilidu. Yéshil kartqa érishkenlerning xitay grazhdanliri bilen oxshash imtiyazdin behriman bolalaydighan yaki bolalmaydighanliqi téxi éniq emes. Amma, xitay tashqiy ishlar ministirliki konsul ishlar mehkimisining bashliqi lo tyen'gwang, yéshil kartqa érishkenlerning xitayda menggülük olturaqlishalaydighanliqini bildürgen. Biraq u, yéshil kartqa érishkenlerning xitaydiki hoquqi, mejburiyiti qatarliq mesililer xitay qanunliri boyiche kéyinrek békitilidighanliqini tekitligen.

Xitay hökümiti nechche on yillardin béri xitaydiki chet'elliklerning pa'aliyitini qattiq kontrol qilip kelgenidi. Melumatlarda körsitilishiche, xitayda xizmet qilidighan chet'elliklerning 2001 - yildiki sani 60 mingdin ashqan. Xitay hökümiti 1985 - yildin hazirghiche 3 mingdek chet'ellikning xitayda olturaqlishishini testiqlighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.