Xitay saqchiliri xitay kompartiyisining 4 - omumiy yighinining harpisida minglighan kishilerni tutti

Bash shtabi niyu-yorktiki "xitay kishilik hoquq teshkilati" ning bildürüshiche, béyjing saqchi da'iriliri xitay kompartiyisining béyjingda échilidighan 16 - qurultiyi 4 - omumiy yighinining harpisida,erz sun'ghili kelgen 36 mingdin artuq kishini tutqan.

Béyjinggha erz éytish üchün kelgen bu kishiler ötken bir hepte ichide tutulghan bolup, xitay hökümiti bu arqiliq xitay kompartiyisining 4 - omumiy yighini jeryanidiki ammiwiy tertipke kapaletlik qilishqa urun'ghan.

Xitay kishilik hoquq teshkilatining ilgiri sürüshiche, xitay saqchiliri teripidin tutulghan erzdarlar nöwette béyjingdiki bir tenterbiye meydanining yer asti öyige qamap qoyulghan. Xitay da'iriliri ularning salahiyitini éniqlap tizimlighandin kiyin, andin her qaysi ölkilerdiki munasiwetlik da'irilerge ötküzüp béridiken.

Xitay kishilik hoquq teshkilatining éytishiche, saqchilar yene tutup turiliwatqan nurghun erzdarlarni til- ahanet we tayaq toqmaq bilen dumbalap xarlighan. Fransiye axbarat agéntliqimu bu heqte xewer bérip, béyjingning jenubidiki” erzdarlar kenti “Dep atalghan namrat mehellide panahlinip turiwatqan nurghun erzdarlarning tutulghanliqini bildürdi. Emma xitay hökümet da'iriliri téxi bu melumatlargha héchqandaq inkas qayturmidi. (Arzu)