Xitay kompartiyisining 4 - omomiy yighini échildi

Xitay kompartiyisining 16 - nöwetlik qurultiyining 4 - omomiy yighini peyshenbe küni béyjingda bashlandi. Töt kün dawam qilidighan mezkür yépiq yighin'gha xitay kompartiyisi merkizi komititining 198 neper ezasi qatnishidiken.

Chet'el axbarat agéntliqlirining xewirige qarighanda, xitay kompartiyisi merkizi komititining ezaliri bu qétimqi yighinda asasliqi chiriklik mesilisi we hökümet emeldarlirining hoqoqini qalaymiqan ishlitish mesilisini muzakire qilidiken.

Xitay hökümitining zuwani bolghan "shinxu'a" agéntliqi, partiyining hakimiyet yüzgüzüsh iqtidari mesilisining tünji qétim bu yighinda muhim orun'gha qoyulghanliqini bildürgen.

Xitay hökümiti bu qétimqi yighinning harpisida we jeryanida bixeterlik tedbirlikirini alahide kücheytken .Firansiye axbarat agéntliqining bildürishiche,xitay saqchiliri peyshenbe küni yighin échilghan jay dep qaralghan béyjing jingshi méhmanxanisining sirtida namayish ötküzgen 14 kishini tutqan. (Arzu)