Xitay saqchiliri ikki yighinning harpisida bixeterlik tedbirlirini kücheytti


2005.03.01

Xitay saqchi da'iriliri béyjingda ichilidighan xitay xelq qurultiyi we siyasiy kéngesh yighinining harpisida, az dégende 440 ademni tutqun qildi.

Fransiye axbarat agéntliqining xewirige qarighanda, béyjing saqchi da'iriliri awarichilik tughdurush éhtimali bar dep qarighanlarni tutup ketken.

Xewerge qarighanda, xitay saqchiliri yene xitayning bashqa jayliridin béyjinggha erz sunush üchün kelgen 100 dek kishini urup, ularni aptobusqa bésip élip ketken. Ularning nege élip kétilgenliki éniq emes iken. Bir qisim erzdarlarning fransiye axbarat agéntliqigha bildürishiche, saqchilarning ular turiwatqan mehellige kélipla kishilerni urushqa bashlighanliqini shikayet qilghan.

Xewerge qarighanda, erzdarlar turiwatqan jayning etrapidiki saqchixana xadimliri, saqchilarning bu qilmishliri heqqide söz qilishni ret qilghan.

Xitay hökümiti xelq qurultiyi we siyasiy kéngesh yighinining harpisida, bixeterlik tedbirlirini kücheytip, weqe sadir bolushining aldini almaqta iken. Buningdin sirt, xitay hökümiti yene intérnétke bolghan kontrolluqnimu kücheytken . Yighin jeryanida, siyasiy jehettin sezgür mezmunlarning tor bétide élan qilinishining aldini élish üchün, xitayning " bixeterlik xadimliri" her qaysi tor betliridiki chayxanilarni 24 sa'et nazaret qilidiken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.