Қәдимий йипәк йоли нөвәттә хитайниң көчмән йөткәйдиған йолиға айлинип қалди

Франсийә ахбарат агентлиқиниң мухбири йеқинда уйғур елиниң киндики болған қәшқәрни зиярәт қилип, қәдимки йипәк йолиниң нөвәттә хитайниң көчмәнләрни йөткәйдиған йолиға айлинип қеливатқанлиқини билдүрди.

Франсийә ахбарат агентлиқи мухбириниң йәкшәнбә күни қәшқәрдин бәргән мәлуматлириға қариғанда,хитайниң бәш йил аввал үрүмчидин - қәшқәргә тутишидиған төмүр йол ясиши нәтиҗисидә, хитай көчмәнлири кәң көләмдә бу йәргә еқип кирип, йәрлик уйғурларниң мәвҗүдийитигә тәһдит салған.

Мухбир хәвиридә, хитай һөкүмити илгири елан қилған қәшқәр аһалисиниң ٪90 ини уйғурлар игиләйду, дегән статистикисиға гуман билән қарайдиғанлиқини,әтрапқа нәзәр салғанда, хитайлар игилигән нопусниң һөкүмәт елан қилғандин хелила көп көрүнидиғанлиқини оттуриға қойған.

Франсийә ахбарат агентлиқиниң мухбири шәһәр аһалилири билән сөһбәтлишиш вә инчикә көзитиш арқилиқ, көрүнүштә тинч вә тәрәққи қиливатқандәк көрүниватқан бу шәһәрдә, әмәлийәттә уйғурлар билән хитайлар арисидики миллий тоқунушниң йошурун һалда өткүрлишиватқанлиқини баян қилған. (Арзу)