Qedimiy yipek yoli nöwette xitayning köchmen yötkeydighan yoligha aylinip qaldi


2004.09.05
Share on WhatsApp
Share on WhatsApp

Fransiye axbarat agéntliqining muxbiri yéqinda Uyghur élining kindiki bolghan qeshqerni ziyaret qilip, qedimki yipek yolining nöwette xitayning köchmenlerni yötkeydighan yoligha aylinip qéliwatqanliqini bildürdi.

Fransiye axbarat agéntliqi muxbirining yekshenbe küni qeshqerdin bergen melumatlirigha qarighanda,xitayning besh yil awwal ürümchidin - qeshqerge tutishidighan tömür yol yasishi netijiside, xitay köchmenliri keng kölemde bu yerge éqip kirip, yerlik Uyghurlarning mewjüdiyitige tehdit salghan.

Muxbir xewiride, xitay hökümiti ilgiri élan qilghan qeshqer ahalisining ٪90 ini Uyghurlar igileydu, dégen statistikisigha guman bilen qaraydighanliqini,etrapqa nezer salghanda, xitaylar igiligen nopusning hökümet élan qilghandin xélila köp körünidighanliqini otturigha qoyghan.

Fransiye axbarat agéntliqining muxbiri sheher ahaliliri bilen söhbetlishish we inchike közitish arqiliq, körünüshte tinch we tereqqi qiliwatqandek körüniwatqan bu sheherde, emeliyette Uyghurlar bilen xitaylar arisidiki milliy toqunushning yoshurun halda ötkürlishiwatqanliqini bayan qilghan. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.