Хитайда икки нәпәр өктичи из дерәксиз йоқап кәткән

Хитайда ачлиқ елан қилиш вастиси билән, һөкүмәткә болған наразилиқини билдүрүватқан өктичиләрдин икки нәпири из - дерәксиз йоқап кәткән.

Әйдиз бимарлириниң һоқуқини қоғдиғучи өктичи зат, ху җяниң аяли 16 ‏- феврал күни, әнгилийә б б с радио - телевизийә ширкитиниң хитайчә бөлүмигә, ериниң йоқап кәткәнликини билдүргән.

Исмини ашкарилашни халимиған ху җяниң аяли, бир қанчә күндин бери назарәт астиға елинған ху җяниң, һәр күни юқириниң мақуллуқини алғандин кейин сиртқа чиқидиғанлиқини, пәйшәнбә әтигәндә назарәтчиләр билән бирликтә өйдин чиқип кәткән ху җяниң, хизмәт орниға бармиғанлиқини вә өйгиму қайтип кәлмигәнликини ейтқан.

Хуниң аяли, униң йоқап кетиш сәвәбини, хуниң ашлиқ елан қилип наразилиқ билдүрүш һәрикитигә актиплиқ билән қатнашқанлиқидин келип чиққан дәп қарайдикән.

Буниңдин сирт хуниң аяли, өктичи зат чи җиюңниңму чаршәнбә күни кәчтә йоқап кәткәнликини билдүргән. Чи җиюң, 1989 ‏- йили тийәнәнмин вәқәсидә оқ тегип бир путидин айрилған икән.

Көзәткүчиләр, бу икки нәпәр өктичиниң хитай сақчилири тәрипидин елип кетилгәнликини пәрәз қилишмақта.

2 ‏- Айниң 4 ‏- күни хитайда 370 кә йеқин киши, һөкүмәтниң кишилик һоқуқ қоғдиғучилириға зиянкәшлик қилиш қилмишилири үстидин наразилиқ билдүрүп, күч улап ашлиқ елан қилиш һәрикитини қозғиған иди. (Әқидә)