Xitayda ikki neper öktichi iz déreksiz yoqap ketken


2006.02.16

Xitayda achliq élan qilish wastisi bilen, hökümetke bolghan naraziliqini bildürüwatqan öktichilerdin ikki nepiri iz - déreksiz yoqap ketken.

Eydiz bimarlirining hoquqini qoghdighuchi öktichi zat, xu jyaning ayali 16 ‏- féwral küni, en'giliye b b s radi'o - téléwiziye shirkitining xitayche bölümige, érining yoqap ketkenlikini bildürgen.

Ismini ashkarilashni xalimighan xu jyaning ayali, bir qanche kündin béri nazaret astigha élin'ghan xu jyaning, her küni yuqirining maqulluqini alghandin kéyin sirtqa chiqidighanliqini, peyshenbe etigende nazaretchiler bilen birlikte öydin chiqip ketken xu jyaning, xizmet ornigha barmighanliqini we öygimu qaytip kelmigenlikini éytqan.

Xuning ayali, uning yoqap kétish sewebini, xuning ashliq élan qilip naraziliq bildürüsh herikitige aktipliq bilen qatnashqanliqidin kélip chiqqan dep qaraydiken.

Buningdin sirt xuning ayali, öktichi zat chi jiyungningmu charshenbe küni kechte yoqap ketkenlikini bildürgen. Chi jiyung, 1989 ‏- yili tiyen'enmin weqeside oq tégip bir putidin ayrilghan iken.

Közetküchiler, bu ikki neper öktichining xitay saqchiliri teripidin élip kétilgenlikini perez qilishmaqta.

2 ‏- Ayning 4 ‏- küni xitayda 370 ke yéqin kishi, hökümetning kishilik hoquq qoghdighuchilirigha ziyankeshlik qilish qilmishiliri üstidin naraziliq bildürüp, küch ulap ashliq élan qilish herikitini qozghighan idi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.