Gensuda mal charwilargha éghiz tuyaq yallughi tarqaldi

Xitay déhqanchiliq ministirlikining bügün tarqatqan xewiridin melum bolushigha qarighanda, Uyghur éligha qoshna ölke bolghan gensuning beyyin shehrining jingtey nahiyiside charwa mallar arisida asiya i tipidiki éghiz tuyaq yallughi tarqalghan.

Jingteydiki charwa mallarda deslep -1 ayning -28 küni késellik alametliri körülgen bolup, xitayning mexsus mutexessislirining tekshürüshi netijiside buning asiya i tipidiki éghiz tuyaq yallughi ikenliki éniqlinip, xitay déhqanchiliq ministirliki derhal rayondiki mal charwilarni karantin qilish buyruqi chüshürgen.

-2 Féwraldin bashlap 450 kilométir da'irisidiki éghiz tuyaq yallughi bilen yuqumlan'ghan kala, qoy padilirini qirip yorutushqa bashlighan. Xitay xewer agéntliqliri gensuda yüz bergen éghiz tuyaq yallughining kontrul qilin'ghanliqini tekitlimekte.

Ilgiri yeni 2005 yilida Uyghur élining shimaligha jaylashqan yaylaqlarda keng kölemde éghiz tuyaq yallughi tarqalghanda, Uyghur aptonum rayonluq charwichiliq nazariti hökümet da'irilirining buyruqi bilen Uyghur élida tarqalghan bu éghiz tuyaq yallughini beshinchi nomurluq késel dep yushurup, waqtida jiddi tedbir alghanliqtin charwichilar nurghun éghir ziyan tartqan idi. (Gülchéhre)