Xitay dunya boyiche tashqi périwot zapisi eng köp döletke aylandi
2006.03.28
Xitayning tashqiy périwut omumi zapas miqdari bu yil 2 - ayning axirlirighiche 853 milyard 700 milyon dollargha yétip, tunji qétim dunya boyiche eng köp tashqiy périwut zapisigha ige yaponiyidin éship ketti. Yaponiye hökümiti yaponiyining tashqiy périwut zapisini 2 - ayning axirlirighiche 850 milyard dollargha yetti, dep élan qilghan.
Birleshme axbarat agéntliqining xewer qilishiche, xitay merkizi bankisi "junggo soda géziti" ning bu heqtiki xewirige baha bérishni ret qilip, bu heqtiki uchurlarning aprilda élan qilinidighanliqini bildürgen.
Xitayning ghezinidiki tashqi périwot zapisi 2005 - yili 34 % köpeydi we 818 milyard dollargha yetti. Bu yil xitayning tashqi périwot zapisi bir trilyon dollargha yétishi mumkin, dep perez qilinmaqta.
Xitay éksportining partlash xaraktérlik köpiyishi xitayni dollar we mol chet'el tashqi péréwotigha ige qildi. Xitayning 2005 -yildiki tashqi soda aktip balanisi 101 milyard 900 milyon dollargha yetken bolup, bu san 2004 - yili 32 milyard dollar idi.
Xitayning amérika qatarliq soda shérikliri béyjing da'irilirini xelq pulining qimmitini chüshürüp, éksportni ashurush we bu döletlerni zor miqdarda tashqi soda passip balanisigha giriptar qilish bilen eyiblimekte. Xelq pulining qimmitini tengshesh we tashqi sodidiki passip balanisni tügitish prizdént bushning 20 - april küni aq sarayda xitay dölet re'isi xu jintaw bilen ötküzidighan söhbitining muhim témisi bolup hésablinidu. (Erkin)
Munasiwetlik maqalilar
- Xitay xelq pulining qimmitini östürdi
- Amérika maliye emeldarliri xitay pulining tégishish qimmiti mesilisige jiddiy qarimaqta
- Xitay merkizi bankisi xelq pulining qimmiti özgergenlikini jakarlidi
- Xitay, xelq pulining qimmitini séntebirgiche özgertishke maqul boldi
- Amérika xelq pulining qimmitini östürüsh toghrisidiki bésimini kücheytti