Хитай йемәклири хәтәрлик


2008.01.30

Бирләшмә агентлиқиниң 1 ‏- айниң 30 ‏- күни токйодин хәвәр қилишичә, японийиниң токйо шәһиригә йеқин болған хйого, чиба вилайәтлиридә, чоң талла базарлардин хитайда ишләпчиқирилған тоңлитилған җувава сетивелип истимал қилған 10 нәччә адәм зәһәрлинип дохтурханиға елип келингән. Буниң ичидә 5 яшлиқ бир қиз балиниң зәһәрлиниш әһвали әң еғир болуп, у қусуп, һушидин кәткән.

япон сақчи даирилири хитайда ишләпчиқирилған бу хил йемәкликниң тәркибидә 'метамидофос' дәп атилидиған йеза игиликидә һашаратләрни қиридиған фосфорлуқ органик деһқанчилиқ дориси барлиқини ениқлиған. Хитайдин йеқиндила 13 тонна тоңлитилған җувава қатарлиқ йемәклик импорт қилған җ т йемәклик ширкити мунасивәтлик даириләрниң тәкшүрүш елип беришиға йеқиндин маслашқан вә хитайдин импорт қилинған 23 хил йемәкликни сетишни тохтатқан.

японийә сақчи даирилириниң ейтишичә, бәдән еғирлиқи 50 килограм келидиған адәмгә бир йерим гирам 'метамидофос' берилсә өлүп кетиду. Бу хил деһқанчилиқ дориси японийидә қоллинилмайти. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.