Хитайда байқалған хәтәрлик йемәкликләрниң түри миң хилға йетиду


2007-06-27
Share

Хитайдики йемәк-ичмәкләрниң бихәтәрликигә мәсул тармақларниң мәлуматиға қариғанда, хитайда санаәттә қоллинилидиған хемийилик маддилар билән йемәк-ичмәк ишләпчиқарған 180 ширкәт тақивитилгән. Франсийә агентлиқиниң 27 ‏- ийон күни бейҗиңдин хәвәр қилишичә, хитайда ишләпчиқирилған 23000 хил йемәкликниң санаәттә қоллинилидиған май, ечитқу, рак пәйда қилидиған хемийилик мадда яки саламәтлик үчүн хәвпи бар башқа маддилар билән ишләпчиқирилған йемәклик икәнлики байқалған.

Бирләшмә агентлиқиниң баян қилишичә, хитай һөкүмитиниң йемәклик сүпитини тәкшүрүш тармақлири аллиқачан базарға селинған гүрүч, ун, гөш, деңиз йемәкликлири, печинә, бовақлар сүти, җаңю вә бир қисим татлиқ йемәкликләрниң пүтүнләй булғанған , өлчәмсиз буюмлар икәнликини байқиған.

Бейҗиңдики җав чиң исимлик бир язғучиниң баян қилишичә, хәтәрлик йемәклик ишләпчиқарған завутларниң көпинчиси хизмәтчилириниң сани 10 ға йәтмәйдиған кичик завут яки ширкәтләр . Улар ишләпчиқарған мәһсулатлар тамамән парихорлуқ йоли билән мунасивәтлик тармақлардики әмәлдарларниң тәстиқидин өткүзүлүп базарға селинған. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт