خىتاينىڭ سۇڭخۇاجياڭ دەرياسىدىكى زەھەرلەنگەن سۇ رۇسىيىگە يېتىپ باردى
2005.11.30
خىتاينىڭ سۇڭخۇاجياڭ دەرياسىدىكى زەھەرلەنگەن سۇ چارشەنبە كۈنى رۇسىيە تەۋەلىكىگە ئېقىپ كىرگەن. ئەمما رۇسىيىنىڭ يىراق شەرق رايونىدىكى ئەمەلدارلار، بۇنىڭ تېخى بۇلغىنىش ئەھۋالى ئەڭ ئېغىر بولغان سۇ ئېقىمى ئەمەسلىكىنى، يۇقىرى دەرىجىلىك زەھەرلىك سۇنىڭ يەنە بىر قانچە كۈندىن كېيىن يېتىپ كېلىدىغانلىقىنى بىلدۈردى.
سۇڭخۇاجياڭ دەرياسى ھېيلوڭجياڭ دەرياسىغا قويۇلىدىغان بولۇپ، رويتېرىس ئاگېنتلىقىنىڭ خەۋىرىگە قارىغاندا، نۆۋەتتە خېيلوڭجياڭ دەرياسى سۈيىنىڭ بېنزىن مىقدارى نورمال ئۆلچەمدىنمۇ يۇقىرى بولغان. خېيلوڭجياڭ دەرياسى رۇسلار تەرىپىدىن ئامۇر دەرياسى دەپ ئاتىلىدىغان بولۇپ، رۇسىيە ئەمەلدارلىرى رۇسىيە تەۋەسىگە ئېقىپ كىرگەن زەھەرلىك ماددىنىڭ تەسىرىگە ئۇچرايدىغان ئاممىنىڭ 1 يېرىم مىليوندىن ئاشىدىغانلىقىنى پەرەز قىلماقتا.
نۆۋەتتە رۇسىيىنىڭ خىتاي بىلەن چېگرىلىنىدىغان جايلىرىدىكى رۇس ئاھالىلىرى بوتۇلكىلىق سۇلارنى جىددىي سېتىۋېلىشقا باشلىغان. 13-نويابىر كۈنى خىتايدىكى بىر نېفىت خىمىيە زاۋۇتىدا يۈز بەرگەن پارتلاش نەتىجىسىدە ، راك كېسىلىنى كەلتۈرۈپ چىقىرىدىغان خىمىيىلىك بېنزىن سۇڭخۇاجياڭ دەرياسىغا قويۇلۇپ كەتكەن. خىتاي دۆلەت رەئىسى خۇ جىنتاۋ ھەتتا بۇ ۋەقە ئۈچۈن رۇسىيە ھۆكۈمىتىدىن كەچۈرۈم سورىغان ئىدى. (پەرىدە)
مۇناسىۋەتلىك ماقالىلار
- خىلۇڭجياڭ ئۆلكىسىدە يۈز بەرگەن كان پارتلاشتا 134 ئادەم ئۆلدى
- خاربىندا سۇ بىلەن تەمىنلەش ئەسلىگە كەلدى
- سۇڭخۇاجياڭنىڭ بۇلغىنىش ۋەقەسى خىتاينىڭ گۈللىنىشىنىڭ قاراڭغۇ تەرىپىنى كۆرسىتىدۇ
- خىتاينىڭ خاربىن شەھىرى دەريا سۈيىنىڭ بۇلغىنىش تەھدىتى ئاستىدا قالدى
- خىتاي دائىرىلىرى خاربىندا شەھەر بويىچە تۆت كۈن سۇ توختايدىغانلىقىنى جاكارلىدى
كۆپ كۆرۈلگەن خەۋەرلەر
RFA
- رېژىسسور ئىكرام نۇرمەمەت تېررورلۇق بىلەن ئەيىبلىنىپ 6 يېرىم يىللىق كېسىۋېتىلگەن
- يۇقىرى دەرىجىلىك ئەمەلدار شىرزات باۋۇدۇن جازا ئۆتەۋاتقان تۈرمىدە سىرلىق ھالدا جان ئۈزگەن
- ئۇكرائىنادا «ئۇيغۇرلارنىڭ مۇستەملىكە قىلىنىشى ۋە ئۇكرائىنلارنىڭ تەقدىرى» دېگەن تېمىدا سۆھبەت ئېلىپ بېرىلغان
- ياۋروپا پارلامېنتى قارارنامە ماقۇللاپ خىتاي ھۆكۈمىتىدىن جازا لاگېرلىرىنى تاقاشنى تەلەپ قىلدى
- «خىتاي گۇلاگىدىن ھايات قېلىش» ناملىق كىتاب «ئالدىنقى فرونت ئەدەبىياتى مۇكاپاتى» غا ئېرىشتى