Xitayning sungxu'ajyang deryasidiki zeherlen'gen su rusiyige yétip bardi
2005.11.30
Xitayning sungxu'ajyang deryasidiki zeherlen'gen su charshenbe küni rusiye tewelikige éqip kirgen. Emma rusiyining yiraq sherq rayonidiki emeldarlar, buning téxi bulghinish ehwali eng éghir bolghan su éqimi emeslikini, yuqiri derijilik zeherlik suning yene bir qanche kündin kéyin yétip kélidighanliqini bildürdi.
Sungxu'ajyang deryasi héylongjyang deryasigha qoyulidighan bolup, roytéris agéntliqining xewirige qarighanda, nöwette xéylongjyang deryasi süyining bénzin miqdari normal ölchemdinmu yuqiri bolghan. Xéylongjyang deryasi ruslar teripidin amur deryasi dep atilidighan bolup, rusiye emeldarliri rusiye tewesige éqip kirgen zeherlik maddining tesirige uchraydighan ammining 1 yérim milyondin ashidighanliqini perez qilmaqta.
Nöwette rusiyining xitay bilen chégrilinidighan jayliridiki rus ahaliliri botulkiliq sularni jiddiy sétiwélishqa bashlighan. 13-Noyabir küni xitaydiki bir néfit ximiye zawutida yüz bergen partlash netijiside , rak késilini keltürüp chiqiridighan ximiyilik bénzin sungxu'ajyang deryasigha qoyulup ketken. Xitay dölet re'isi xu jintaw hetta bu weqe üchün rusiye hökümitidin kechürüm sorighan idi. (Peride)
Munasiwetlik maqalilar
- Xilungjyang ölkiside yüz bergen kan partlashta 134 adem öldi
- Xarbinda su bilen teminlesh eslige keldi
- Sungxu'ajyangning bulghinish weqesi xitayning güllinishining qarangghu teripini körsitidu
- Xitayning xarbin shehiri derya süyining bulghinish tehditi astida qaldi
- Xitay da'iriliri xarbinda sheher boyiche töt kün su toxtaydighanliqini jakarlidi
Köp körülgen xewerler
RFA
- “Uyghur” namini özgertish némige zörür bolup qaldi?
- Awstraliye tetqiqatchiliri xitay bilen hemkarliship Uyghurlarning DNA si üstidin tetqiqat élip barghan
- Turpan karizliri: Uyghurlardin ayrip, xitay shirketlirining paydisigha yüzlendürülüwatqan karizlar
- Qazaqistandiki Uyghur mektepliri yéngi oqush yilini bashlidi
- Xitay néme sewebtin aral shehiride yéngidin “Kespiy terbiyelesh bazisi” qurdi?