Xitayda balilar yémekliktin zeherlinish weqesi dawamliq yüz bermekte

Birleshme agéntliqining xewer qilishiche, xitayda yéshi 6 yashtin 10 yashqiche bolghan ösmürlerning yémekliktin zeherlinish weqesi dawamliq yüz bermekte. 12 ‏- Ayning 4 ‏- küni shenshi ölki'isning nenyaw mehellisidiki yataqliq mektepte 2 oghul, 4 qiz ösmür namelum yémekliktin zeherlinip ölgen. Saqchilar zeherlinip ölgen balilarning ashqazan suyuqluqini élip tejiribixanilargha yollighan. Zeherlen'gen balilar bilen birge oquwatqan bashqa 11 oqughuchini bashqa mektepke tarqitiwetken.

Shixu'a agénétliqining xewiride bayan qilinishiche, xitayda buningdin burun, mektepte oquwatqan ösmürlerning yémekliktin zeherlinish weqesi yéqinqi üch aydin buyan uda yüz bérip, késel bolghan ösmürlerning sani bir nechche yüzdin ashqan idi. Uyghur yurtlirida zeherlik pichine, zeherlik süt qatarliq yémek-ichmek sétilghanliqi we balilarning zeherlen'genliki heqqidimu xewerler bérilgen idi. (Weli)