Chin shüybyen talash- tartishtiki paratus arilini ziyaret qildi


2005-07-28
Share

Teywen prézidénti chin shüybyen peyshenbe küni jenubiy xitay déngizidiki paratus arilini ziyaret qildi.

Paratus arili talash- tartishtiki bir aral bolup, xitay we teywen mezkur aralning igilik hoquqining özige tewe ikenlikini bayan qilmaqta.

Xewerlerge qarighanda, teywen prézidéntining paratus ariligha qilghan tuyuqsiz ziyariti nahayiti halqiliq bir peytte élip bérilghan. Chünki teywen bilen yaponiye jüme küni ikki terep otturisida rayondiki arallar we béliqchiliq mesilisi üstide mewjut ixtilaplarni bir terep qilish üchün söhbet bashlaydiken.

Paratus aralliri jenubiy xitay déngizida xitay, teywen we filipinler arisigha jaylashqan bolup, mezkur arallar béliq we bashqa déngiz mehsulatlirigha nahayiti bay iken. Teywen armiyisi 1989 - yili rayondiki eng chong aral bolghan tungsha arilida bir doxturxana, éléktir istansisi we béliqchilar üchün bir panahgah yasap chiqqan.

Amérika birleshme agéntliqining bildürüshiche, chin shüybyen peyshenbe künidiki ziyariti jeryanida aralgha bir köchet tikip, uni teywenning aral üstidiki igilik hoquqining simwoli dep atighan. (Qanat

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet