Wén jyabaw, yerlik hökümetlerni tarixiy xataliq ötküzüsh bilen eyiblidi


2006.01.20

Xitay bash ministiri wén jyabaw, yerlik hökümetlerni déhqanlarning yer‏- zémin mesiliside tarixiy xataliq sadir qilghan bolushi mümkin, dep eyiblidi. Wén jyabawning tekitlishiche, yerlik da'irilerning yer ‏-zémin mesilisidiki herikiti yéza‏- kentlerning muqimliqigha asasliq tehdit bolup qalghan. U, " bezi yerlik da'iriler déhqanlarning yer‏- zéminlirini qanunsiz yollar bilen tartiwélip, ulargha muwapiq iqtisadi tölem tölep bermigen we turmush yolini orunlashturmighan. Bu yéza - kentlerdiki ammiwi naraziliq heriketlirining ot piltisi bolup qalmaqta " deydu. Uning tekitlishiche, déhqanlar téz sür'etlik sheherlishish tereqqiyatida bedel tülimekte.

Wén jyabaw bu sözlerni ötken yili 12 - ayda qilghan bolsimu. Emma xitay hökümet terep metbu'atliri buni emdi élan qildi. Xitay hökümitining statistika qilishiche, xitayda 2005 - yili yüz bergen ammiwi naraziliq heriketliri 2004 - yilgha qarighanda 6 % köpeygen. Eng yéngi ammiwi naraziliq herikiti peyshenbe küni shinjén shehiride partlidi. Wén jyabaw, 2005 - yili 12 - ayning 29 - küni qilghan shu qétimqi sözide, " biz yer ‏-zémin mesiliside tarixiy xataliq sadir qilishqa yol qoymasliqimiz kérek " dep agahlandurghan.

Bezi közetküchilerning tekitlishiche, wén jyabawning bu sözliri Uyghur aptonom rayonidiki yuqiri derijilik bezi emeldarlar üchün yaxshiliqning bishariti emesken. Uyghur aptonom rayonining re'isi ismayil tiliwaldi, aldinqi yili xitayda yer‏- zémin échish sodisi bilen shughullinidighan juntong shirkitining bash mudirini qobul qilip, mezkur shirketning xoten, qeshqer we qizilsularda yer ‏-zémin échish sodisigha qolayliq yaritip béridighanliqini wede qilghan. Bu shirket artushning shorux yézisidiki 180 a'ililik Uyghur dihqanning qora‏- jayini mejburi sétiwalghan idi .(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.