Хитай җав зияңниң матәм мурасимиға өктичиләрни киргүзмиди

Хитай һөкүмити чаршәнбә күни җавзияңниң аилисидикиләр өткүзгән матәм мурасимиға сирттикиләрниң киришини чәкләп, болупму өктичи вә кишилик һоқуқ паалийәтчилирини у йәргә йеқин кәлтүрмиди.

Ройтерс агентлиқиниң чаршәнбә күни бәргән хәвиригә қариғанда,1989 - йилидики тйәнәнмен қанлиқ вәқәсидә оғлидин айрилған диң зилин ханим мәзкүр агентлиққа, пуқрачә кийингән бир нәччә хитай сақчилириниң униң өйигә кирип, уни өйдин талаға чиқмаслиққа һәмдә мухбирларни қобул қилмаслиққа агаһландурғанлиқини ейтқан.

Бу арида һәрқайси дөләтләр җав зияңниң өлүмигә тәзийә билдүрүшкә башлиди. Америка ақ сарай сәйшәнбә күни җав зияңға юқири баһа берип, униң өзигә хас рәһбәрлик иқтидариға игә "һәққаний, ғорурлуқ" киши икәнликини билдүрди.

Сабиқ совет иттипақи президенти михаил горбачев әнглийә б б с радио телевизийисиниң зияритини қобул қилғанда, өзиниң җав зияңниң вапатиға чоңқур тәзийә билдүридиғанлиқини ипадилиди. Шундақла у илгири җав зияң билән өткүзгән сөһбитини әсләп өтүп, уларниң һәтта "сотсиялистик дөләт бир партийилик түзүмни әмәлдин қалдуруп, көп партийилик түзүмни орнитиши керәкму-йоқ" дегән темида сөһбәтләшкәнликини билдүрди. (Пәридә )