Jaw ziyangning matem murasimi mesilisi téxi hel bolmidi

Xitay kompartiyisining sabiq bash sékritari jaw ziyang wapat bolghili bir hepte bolghan bolsimu, emma uning jeset külini nege qoyush we terjimalini qandaq yézish mesiliside, xitay hökümiti bilen jaw ziyangning a'ile tawabi'atliri téxiche bir pikirge kélelmidi.

Xitay kompartiyisining sabiq bash sékritari jaw ziyang 1989 - yilidiki tyen'enmin oqughuchilar herikitini qanliq basturushqa qarshi chiqqanliqi üchün wezipisidin élip tashlan'ghan. Xitay hökümiti uni shundin béri öyide nezerbent astigha alghan idi.

Amérika birleshme axbarat agéntliqining xewirige qarighanda, xitay hökümiti jaw ziyangning jeset külini, bashqa xitay rehberlirining jeset külini qoyidighan babawshen inqilabi qebristanliqining birinchi bölümige qoyushni ret qilmaqta. Xitay hökümiti yene jaw ziyangning jesitini uzitish tizistigha " jawziyang 1989 - yili éghir xataliq ötküzgen" dep yézishta ching turghan. Halbuki jaw ziyangning a'ilisidikiler buni qubul qilmighan. Shunga, jaw ziyangning matem murasimi qachan ötküzilidighanliqi téxi békitilmigen.

Buningdin sirt, xitay hökümiti jaw ziyanggha teziye bildürüsh pa'aliyetlirini pilanlighan xitaydiki bir nechche pa'aliyetchilerni tutqun qilip, bezilirini öyide nezerbent astigha alghan. (Arzu)