Бейҗиң, җав зияңни дәпнә қилиш паалийәтлирини җидди контрол қилмақта


2005.01.25

Бейҗиң даирилири, җав зияңниң җәситини дәпнә қилиш мурасимлирини контрол қилишқа башлиған болуп, һәтта җав зияңниң қоросиға қоюлған гүл - чәмбирәкләрни елип кәткән.

Сәйшәнбә күни, әнгилийә б б с радио -телевизийә ширкити мухбириниң зияритини қобул қилған бейҗиң пуқраси ху җя: "һөкүмәт хәлқниң райини бастуруп, дөләт террорчилиқи йүргизиватиду" дәп билдүргән.

Охшашла б б с мухбириниң зияритини қобул қилған, илгири бейҗиң университетида ишлигән мәшһур мутәхәссис җав гуояв мундақ дигән : "хитай даирилири дәпнә мурасими мәзгилидә бундақ һәрикәтләрдә болмаслиқи керәк, бу хил хата йәкүндин илгири йүз бәргән тарихий хаталиқлар йәнә тәкрарлинип қелиши мумкин".

Күзәткүчиләрниң билдүрүшичә, һөкүмәтниң мәқсити, дәпнә ишлирида қәстән бир хил соғуқлуқ пәйда қилип, җав зияң җамаитиниң ахирида һөкүмәтниң орунлаштуриши астида мурасим елип беришқа қошулушини қолға кәлтүрүштин ибарәт икән.

Һөкүмәт дәпинә нутқида, униң 89 - йили тәнәнмин вәқәсини бир тәрәп қилишта еғир хаталиқ өткүзгәнликини тәкитләшни оттуриғақойған болуп, җав зияңниң йеқинлиридин бириниң тәкитлишичә, җав зияң һаят чеғида һөкүмәт униң үстидин бекиткән бу җинайәтни һечқачан қобул қилмиған, шундақ туруқлуқ әгәр һөкүмәт даирилири дәпинә нутқида бу сөзни тәкрарлиса, бу чоң һақарәт һесаблинидикән. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.