Җав зияңниң дәпинә мурасимиға қатнашмақчи болған бир қисим кишиләр сақчилар тәрипидин думбаланди


2005.02.01

Мәркизи нйо-йорктики хитай хәлқ һоқуқини қоғдаш тәшкилати сәйшәнбә күни баянат елан қилип, өктичи шү чеңчиң билән шаңхәйлик 22 кишиниң, җав зияңниң дәпнә мурасимиға қатнишиш сәвәби билән хитай сақчилири тәрипидин қолға елинғанлиқини ашкарилиди.

Әнгилийә б б с радио - телевизийә ширкитиниң хәвиридә көрситилишичә, бу кишиләр, җаң зияңниң дәпнә мурасимиға қатнишиш алдида, қолға елинип шаңхәйгә қарап маңған пойизда яллап елип кетилгән.

Хитай хәлқ һоқуқини қоғдаш тәшкилати, шү җеңчиңниң шаңхәйдә елип берилған мәҗбурий көчүрүш һәрикитигә қарши чиққан, пуқраларниң һоқуқини қоғдашни тәшәббүс қилған нәччә йүз кишиниң ичидики бирәйлән икәнликини билдүрүп, униң җав зияңниң өлүмигә тәзийә билдүрүш арзусиниң гунаһ һисапланмайдиғанлиқини, хитай сақчилириниң уни дәрһал қоюп бериши керәкликини тәкитлиди.

Мәзкүр тәшкилатниң ейтишичә, шү чеңчиң сақчиниң шаңхәйгә қайтуруш тәливини рәт қилғанлиқи вә "җав зияңниң дәпнә мурасимиға қатнишишниң немә гунаһи бар?" дегәнлики үчүн, сақчилар уни қаттиқ уруп, баш көзини ишитивәткән. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.