Jaw ziyangning depine murasimigha qatnashmaqchi bolghan bir qisim kishiler saqchilar teripidin dumbalandi


2005-02-01
Share

Merkizi nyo-yorktiki xitay xelq hoquqini qoghdash teshkilati seyshenbe küni bayanat élan qilip, öktichi shü chéngching bilen shangxeylik 22 kishining, jaw ziyangning depne murasimigha qatnishish sewebi bilen xitay saqchiliri teripidin qolgha élin'ghanliqini ashkarilidi.

En'giliye b b s radi'o - téléwiziye shirkitining xewiride körsitilishiche, bu kishiler, jang ziyangning depne murasimigha qatnishish aldida, qolgha élinip shangxeyge qarap mangghan poyizda yallap élip kétilgen.

Xitay xelq hoquqini qoghdash teshkilati, shü jéngchingning shangxeyde élip bérilghan mejburiy köchürüsh herikitige qarshi chiqqan, puqralarning hoquqini qoghdashni teshebbüs qilghan nechche yüz kishining ichidiki bireylen ikenlikini bildürüp, uning jaw ziyangning ölümige teziye bildürüsh arzusining gunah hisaplanmaydighanliqini, xitay saqchilirining uni derhal qoyup bérishi kéreklikini tekitlidi.

Mezkür teshkilatning éytishiche, shü chéngching saqchining shangxeyge qayturush teliwini ret qilghanliqi we "jaw ziyangning depne murasimigha qatnishishning néme gunahi bar?" dégenliki üchün, saqchilar uni qattiq urup, bash közini ishitiwetken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet