Тәйвәндики җоңхуа минго миллий қурултийи тарқитиветилди


2005-06-07
Share

1949 - Йили гоминдаң һөкүмити билән биллә тәйвәнгә қечип барған җоңхуа минго миллий қурултийи, сәйшәнбә күни асаси қанунға түзитиш киргүзүш лайиһиси мақуллап, 1949 - йилдин бери пүтүн хитайға вәкиллик қилидиғанлиқини илгири сүргән мәзкур органниң тарқалғанлиқини җакарлиди.

Җоңхуа минго миллий қурултийиниң 1946 - йилдики йиғиниға әһмәтҗан қасими, мәсуд сабири, муһәммәд имин буғра, хадиваң қатарлиқ вәкилләр шәрқий түркистанға вакалатән қатнашқан иди.

Мәзкур қурултай гоминдаң һөкүмитиниң 1949 - йилдики мәғлубийитидин кейин тәйвәнгә йөткәлгән. Әмма мәзкур органниң һазирға қәдәр 2000 әзаси болуп, хитайдики һәр қайси өлкә вә аптоном районларға вәкиллик қилатти.

Әйни чағдики қумул валиси йолвасбәг қатарлиқлар уйғурларниң җоңхуа минго миллий қурултийидики вәкили иди.

Бу қетимқи йиғин миллий қурултайниң ахирқи қетим топлиниши болуп қалиду. Тәйвән президенти чен шүйбйән, асаси қанунға түзитиш киргүзүшниң 1 - басқучи ахирлашқанлиқини билдүрди. Чен шүйбйәнниң тәкитлишичә, у өзиниң вәзипә муддити ичидә тәйвәнниң әһвалиға мувапиқ келидиған асаси қанун түзүп чиқишни үмид қилидикән.

Әмма чен шүйбйәнниң асаси қанунға түзитиш киргүзүш һәрикити бейҗиң даирилириниң гуманини қозғимақта. Бейҗиң һөкүмити чен шүбйәнниң һәркитини тәйвән мустәқиллиқиниң қануни асасини яритиш, дәп әйиблигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт