Юқири дәриҗилик америка дипломатик әмәлдари хитайни зиярәт қилиду

Америка ташқи ишлар министирликиниң ярдәмчи ташқи ишлар министири җәмес келий , йәкшәнбә күни өткүзүлидиған хитай - америка мунасивити, район вә йәр шари характерлик мәсилиләр үстидә сөһбәт елип бериш үчүн бейҗиңни зиярәт қилиду.

Америка бирләшмә ахбарат агентлиқиниң хәвәр қилишичә, бейҗиңдики америка әлчиханисиниң баянатчиси, җәмес келийниң йәкшәнбә күни хитай әмәлдарлири билән сөһбәт елип баридиғанлиқини ашкарилиған бирақ , икки тәрәп оттурисидики сөһбәтниң конкирит күнтәртипини тилға алмиған . Америка әлчиханисиниң баянатчиси, җәмес келийниң хитай тәрәп билән икки дөләтниң өз ара мунасивити , район вә йәр шари харәктирлик мәсилиләр үстидә сөзлишидиғанлиқини , амма җәмес келийниң шимали корийә ядро кризиси , келәрки қетимлиқ 6 тәрәп сөһбитиниң қачан вә қәйәрдә өткүзилидиғанлиқи үстидә музакирә елип баридиған - бармайдиғанлиқи тоғрисида мәлумат бәрмигән .

Хитайниң саһипханлиқидики шимали корийә ядро кризисини бир тәрәп қилиш йолида елип берилған илгирики сөһбәтләргә росийәму иштирак қилған иди бирақ һазирғичә бу сөһбәт көзгә көринәрлик бир нәтиҗигә еришәлмиди . Бу арида шинхва ахбарат агентлиқиниң хәвәр қилишичә , ли чаңчүн башчилиқидики юқири дәриҗилик хитай вәкилләр өмики шимали корийәни зиярәт қилған . .Хитай ташқи ишлар министирликиниң баянатчиси коңчүән , хитай вәкилләр өмикиниң ядро кризисини өз ичигә алған бир қатар мәсилиләр үстидә шимали корийә тәрәп билән сөһбәт елип баридиғанлиқини билдүрди. (Әркин)