Qirghizistan tashqi ishlar ministiri xitayni ziyaret qilmaqchi


2005.05.09
Share on WhatsApp
Share on WhatsApp

Xitay tashqi ishlar ministirliqining bayanatchisi lyu jénchaw, qirghizistan tashqi ishlar ministiri roza otanbayiwaning, xitay tashqi ishlar ministiri liy jawshingning teklipige asasen 10 - maydin 13 - mayghiche xitayda ziyarette bolidighanliqini bildürdi .

Bu qirghizistanda aqayéf hakimiyiti gumran bolghandin kéyin, qirghizistan tashqi ishlar minisitirining xitaygha qilghan tunji ziyariti hésablinidu.

Xitay hökümiti qirghizistan bilen hem shangxey hemkarliqi teshkilati ramkisi ichide hemde biwaste yéqin munasiwet ornatqan. Mutexessislerning éytishiche, xitay bilen aqayéf hakimiyiti otturisida nurghunlighan mexpiy kélishimler imzalan'ghan bolup, bu kilishimlerning bir qismi qirghizistanda Uyghur milliy musteqilliq pa'aliyetlirining aldini élish, Uyghur milliy herikitige birlikte qarshi turush qatarliq Uyghurlargha munasiwetlik mesililerni öz ichige alidiken .

Yene mutexessislerning bildürüshiche, aqayéf hakimiyiti bilen qurghan yéqin munasiwiti tüpeylidin, qirghizistanda 24 - mart küni yüz bergen siyasiy özgirishtin we aqayéf hakimiyitining aghdurulishidin eng köp endishilen'gen dölet xitay iken .

Qirghizistan tashqi ishlar ministiri roza otanbaywa, -24 mart küni aqayéf hakimiyitige qarshi bashlighan qozghilanggha yitekchilik qilghan qirghiz rehberlirining biri bolup hésablinidu. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.