ຄົນງານລາວສາມຄົນບໍ່ຄວນ ຖືກຂັງ

ອຸ່ນແກ້ວ ສຸກສະຫວັນ
2017-09-07
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
(ຊ້າຍຫາຂວາ)ທ້າວສຸການ ໃຈທັດ ນາງຫລອດຄໍາ ທໍາມະວົງ ແລະ ທ້າວ ສົມພອນ ພິມມະສອນ ທີ່ຖືກຈັບ ແບບບໍ່ມີການໄຕ່ສວນ ສອບສວນ
(ຊ້າຍຫາຂວາ)ທ້າວສຸການ ໃຈທັດ ນາງຫລອດຄໍາ ທໍາມະວົງ ແລະ ທ້າວ ສົມພອນ ພິມມະສອນ ທີ່ຖືກຈັບ ແບບບໍ່ມີການໄຕ່ສວນ ສອບສວນ
Citizen Journalist

ກຸ່ມເຮັດວຽກກ່ຽວກັບ ການກັກຂັງ ແບບບໍ່ມີການໄຕ່ສວນ ຂອງ ສະຫະປະຊາຊາດ (WGAD) ທວງໃຫ້ ຣັຖບານລາວ ປ່ອຍຕົວ ຄົນງານ ລາວ 3 ຄົນທີ່ຖືກ ທາງການລາວ ຈັບຂັງຄຸກ ຍ້ອນ ຕໍານິຣັຖບານ.

ທ່ານ Dimitris Christopoulos ປະທານອົງການ ສິດທິມະນຸດ ສາກົນ ໄດ້ກ່າວຢູ່ໃນ ຖະແຫລງການຮ່ວມ ວ່າການຈັບຄົນລາວ ທັງ 3 ຄົນຂັງຄຸກ ໂດຍບໍ່ມີການໄຕ່ສວນ ສະແດງໃຫ້ ເຫັນວ່າ ຣັຖບານລາວບໍ່ນັບຖື ພັລທະສິດທິມະນຸດ ທີ່ຕົນເອງ ໄດ້ມີຕໍ່ສາກົລ ແລະທ່ານກໍ ຮຽກຮ້ອງ ໃຫ້ຣັຖບານລາວ ປ່ອຍຕົວເຂົາເຈົ້າ ເຫລົ່ານັ້ນ.

ທ່ານ Andrea Giorgetta ຫົວໜ້າອົງການ ອົງການສິດທິມະນຸດ ຜແນກເອເຊັຽ ກ່າວຕໍ່ ເອເຊັຍເສຣີ ໃນວັນທີ 7 ກັນຍາ ວ່າ:

"ທ່ານເວົ້າວ່າ ນັ້ນເປັນຄໍາຕອບ ຕໍ່ຄໍາຮ້ອງຮຽນ ຂອງພວກທ່ານຊຶ່ງກຸ່ມ WGAD ໄດ້ປະກາດວ່່າ ການກັກຂັງ 3 ຄົນນັ້ນ ເປັນການກັກຂັງ ແບບຊະຊາຍ ຊຶ່ງກໍໝາຍຄວາມວ່າ ຂັດກັບ ກົດໝາຍສາກົລ. ຣັຖບານລາວ ໄດ້ລະເມີດຫລາຍມາດຕຣາ ຂອງ ສົນທິສັນຍາ ວ່າດ້ວຍ ສິດທິພົລເຮືອນ ແລະ ສິດທິທາງການເມືອງ ຊຶ່ງ ຣັຖບານລາວ ໄດ້ໃຫ້ສັຕຍາບັນ ໄປນັ້ນ".

ທ່ານ Andrea Giorgetta ກ່າວຕື່ມຕອນນຶ່ງວ່າ:

"ພວກທ່ານ ຮຽກຮ້ອງໃຫ້ ຣັຖບານລາວ ປະຕິບັດຄໍາແນະນໍາ ຂອງກຸ່ມເຮັດວຽກ ຂອງສະຫະປະຊາຊາດ, ໃຫ້ປ່ອຍຕົວ 3 ຄົນໃຫ້ເປັນ ອິສຣະ, ເຊົາຈັບ, ເຊົາກ່າວຫາ, ເຊົາເອົາຂຶ້ນສານ ແລະ ຂັງຄຸກ ຜູ້ຄົນທີ່ພຽງແຕ່ ໃຊ້ສິດທິ ໃນການສະແດງ ຄວາມຄິດເຫັນ ຂອງເຂົາ ອອກມາ ແລະພວກທ່ານ ກໍຮູ້ວ່າ ຢ່າງໜ້ອຍ ຍັງມີອີກຄົນນຶ່ງ ທີ່ຕິຕຽນ ຣັຖບານລາວ ທີ່ຖືກຂັງ ຄຸກຍ້ອນຕໍານິ ນະໂຍບາຍຂອງຣັຖບານ ລາວ ຜ່ານ ເຟສບຸກຄ ຊຶ່ງ ພວກທ່ານ ກໍຮຽກຮ້ອງ ໃຫ້ປ່ອຍນໍາດ້ວຍ".

ຄົນງານລາວ 3 ຄົນທີ່ຖືກຈັບຂັງຄຸກ ລວມມີ ນາງ ຫລອດຄໍາ ທຳມະວົງ ຖືກຕັດສິນລົງໂທດ ຈໍາຄຸກ 12 ປີ, ທ້າວ ສົມພອນ ພິມມະສອນ ຖືກຈຳຄຸກ 20 ປີ ແລະ ທ້າວ ສຸການ ໃຈທັດ ຖືກຈຳຄຸກ 16 ປີ.

ເຂົາເຈົ້າທັງ 3 ຖືກເຈົ້າໜ້າທີ່ ທາງການຈັບໃນຕົ້ນປີ 2016 ຍ້ອນເຂົາເຈົ້າ ວິພາກວິຈານພັກ-ຣັຖ ເຣື່ອງການສໍ້ຣາສບັງຫຼວງ ການລະເມີດ ສິດທິມະນຸດ ຜ່ານເຟສບຸກ ແລະໄດ້ ເຂົ້າຮ່ວມກຸ່ມ ປະທ້ວງຣັຖບານລາວ ຢູ່ຕໍ່ໜ້າ ສະຖານທູດລາວ ໃນບາງກອກ ປະເທດໄທ ວັນທີ 2 ທັນວາ 2015.

ເຕັມຫນ້າ