ຄົນງານລາວຖືກຕັດສິນ ໂທດໜັກ

ມະນີຈັນ
2017-05-16
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ທ້າວ ສຸການ ໃຈທັດ ນາງ ຫລອດຄໍາ ທໍາມະວົງ ແລະ ທ້າວ ສົມພອນ ພິມມະສອນ ທີ່ມີຂ່າວວ່າ ໄດ້ຖືກຕັດສິນ ລົງໂທດໜັກໄປແລ້ວ ແຕ່ທາງການລາວ ຍັງມິດງຽບ
ທ້າວ ສຸການ ໃຈທັດ ນາງ ຫລອດຄໍາ ທໍາມະວົງ ແລະ ທ້າວ ສົມພອນ ພິມມະສອນ ທີ່ມີຂ່າວວ່າ ໄດ້ຖືກຕັດສິນ ລົງໂທດໜັກໄປແລ້ວ ແຕ່ທາງການລາວ ຍັງມິດງຽບ
citizen Journalist

ພວກພີ່ນ້ອງ ຂອງ ຄົນງານລາວ 3 ຄົນ ທີ່ຖືກທາງການ ສປປລາວ ຈັບຂັງຄຸກ ມາແຕ່ຕົ້ນປີ 2016 ນັ້ນແຈ້ງໃຫ້ ວິທຍຸເອເຊັຍເສຣີ ຮູ້ວ່າ ທັງ 3 ຖືກສານ ຕັດສິນລົງໂທດ ໜັກເມື່ອ ຕົ້ນເດືອນເມສາ ຜ່ານມາຄື: ທ້າວ ສົມພອນ ພິມມະສອນ ຖືກຕັດສິນລົງໂທດ ຈໍາຄຸກ 20 ປີ, ທ້າວສຸການ ໃຈທັດ 18 ປີ ແລະ ນາງຫຼອດຄໍາ ທໍາມະວົງ 12 ປີ. ຄົນງານທັງ 3 ຄົນນັ້ນ ຖືກນໍາຕົວໄປຂັງຢູ່ຄຸກຊໍາເຄ້, ແຕ່ການຕັດສິນ ຂອງສານ ບໍ່ຖືກເປີດເຜີຍ ອອກເປັນຂ່າວ ຜ່ານສື່ມວນຊົນ ໃນລາວ.

ກ່ຽວກັບເຣຶ່ອງທີ່ວ່ານີ້ ວິທຍຸເອເຊັຍເສຣີ ໄດ້ຖາມໄປຍັງ ເຈົ້າໜ້າທີ່ ກົມຄຸມຂັງດັດສ້າງ ທີ່ນະຄອນຫຼວງວຽງຈັນ ໃນມື້ວັນທີ 15 ພຶສພາ ນີ້, ໄດ້ຮັບຄໍາຕອບ ວ່າບຸກຄົນ ທັງ 3 ຍັງບໍ່ທັນ ຖືກຕັດສິນເທື່ອ ແລະ ຍັງບໍ່ຮູ້ກໍານົດວ່າ ຈະຕັດສິນ ເມື່ອໃດ ແຕ່ຢືນຢັນວ່າ ຜົນການຕັດສິນ ຈະອອກມາແບບ ມີຄວາມຍຸຕິທັມ:

"ຍັງສົ່ງໃຫ້ສານ ສານຍັງບໍ່ທັນໄດ້ ຕັດສິນ ມື້ກ່ອນຫັ້ນ ພີ່ນ້ອງຂະເຈົ້າ ກະມາຢາມ ສໍານວນຫັ້ນມັນ ຢູ່ນໍາສານແລ້ວ ຄະດີ ຮຸນແຮງ ບໍ່ ມັນກະຢູ່ ໃນຂອບ ຂອງກົດໝາຍ ຫັ້ນແຫລະ ກົດໝາຍອາຍາມາຕຣາ 165 ຫັ້ນ ປະຕິບັດຄວາມເປັນທັມຫັ້ນ ມັນຕ້ອງຢູ່ໃນດູນ ພິນິດ ຂອງສານ".

ທ່ານກ່າວຕື່ມວ່າ ປັດຈຸບັນ ຄົນງານລາວ ທັງ 3 ຍັງຖືກຂັງ ຢູ່ໃນຄຸກ ແລະໄດ້ຮັບການເບິ່ງແຍງ ຄືກັນກັບນັກໂທດ ຄົນອື່ນໆ, ບໍ່ໄດ້ຖືກ ກົດຂີ່ ຕາມທີ່ເປັນ ຂ່າວລື ແຕ່ຢ່າງໃດ.

ຄົນງານລາວທັງ 3 ຄົນ ຖືກທາງການ ສປປລາວ ຕັ້ງຂໍ້ຫາໂຈມຕີ ຣະບອບການເມືອງ ແລະໃສ່ຮ້າຍປ້າຍສີຜູ້ນໍາພັກ-ຣັຖ ໂດຍເຜີຍແຜ່ ຂໍ້ມູນບິດເບືອນ ກ່ຽວກັບ ພັກ-ຣັຖ ຜ່ານສື່ສັງຄົມ ອອນລາຍ ແລະເຄີຍໄປຮຽກຮ້ອງ ປະຊາທິປະຕັຍ ຢູ່ຕໍ່ໜ້າ ສະຖານທູດ ສປປລາວ ທີ່ບາງກອກ ປະເທດໄທ.

ເມື່ອເດືອນພຶສພາປີກາຍ ເຈົ້າໜ້າທີ່ ທາງການລາວ ໄດ້ນໍາຕົວທັງ 3 ຄົນ ອອກມາຖແລງຂ່າວ ຮັບສາຣະພາບຜິດ ຕໍ່ສື່ມວນຊົນ ຂອງ ທາງການ ຂນະທີ່ ອົງການຈັດຕັ້ງ ສາກົນຕ່າງໆ ຮຽກຮ້ອງ ແລະກົດດັນໃຫ້ ຣັຖບານສປປລາວ ປ່ອຍຕົວ ຢ່າງຮີບດ່ວນ ແລະ ບໍ່ມີ ເງື່ອນໄຂ.

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

ເລີດຫາເຫດ

ຈາກ ພູສັງແຮ

ພວກມີອຳນາດ ພັກ-ລັຖ ສປປລາວແດງ ມັນເຫັນຂີ້ ດີກວ່າ ໄດ້ດົມຕົດ ນັ້ນລະຕິ, ເພາະແຕ່ລະມື້ພວກເຂົາອະນຸຍາດໃຫ້ແກວ ເຂົ້າມາຢູ່ໃນດິນແດນຂອງລາວ ບໍ່ຮູ້ຈຳນວນເລີຍ, ມາດີກໍ່ວ່າດີ, ແຕ່ ພວກສວມວິນຍານຜີ ແລະເຜດກໍ່ມີເປັນອັກໂຂ, ພວກເຂົາຈຶ່ງພະຍາຍາມດັບສູນເຊື້ອຊາຄ ແລະສັນຊາດລາວໂດຍແທ້ ຕາມຄວາມຕັ້ງໃຈທຸກຢ່າງ. ສະນັ້ນເມື່ອມີໂອກາດເມາະສົມແລ້ວ, ພວກເຮົາຈະບອກສອນ ພັກ-ລັຖ ສປປລາວແດງ ຂີ້ຂ້າແກວ ຢ່າງເຈັບແສບທີ່ສຸດ ຈະບອກໃຫ້ຮູ້ກ່ອນໂລດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 01, 2017 01:53 PM

ຖາວອນ

ຈາກ ທ່າແຂກ

ເປັນຍຸກທີ່ລາວດັບສູນລາວເຮົາເອງ ຄົນຕ່າງຊາດຕ່າງພາສາພາກັນເຈັ່ຍລູກຈູງຫມາ ລັ່ງໄຫລມາຢູ່ລາວ ແຕ່ໄດ້ສິດພິເສຕເກີນຮ້ອຍ ແລະບໍ່ມີຜູ້ໃດແຕະຕ້ອງໄດ້ ຍ້ອນຄວາມໂງ່ເຫງົ້າເຕົ່າຕຸ່ນ ຂອງຜູ້ນຳເຮົາເອງ ຫນ້າສັງເວດ ...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 17, 2017 10:05 PM

ຄ.ນະຄຳມວ່ນ

ຈາກ ທ່າແຂກ

ຄົນງານລາວກັບຈາກໄທ ທີ່ຖືກຕັດສີນໂທດນັກນີ້ນັ້ນ ກໍ່ພົວພົນແນະນຳ ຈາກພວກພັນທະມິດ ປະຊາທິປະໄຕ ຢູ່ໃນລາວ ຊາຕາກັມ ຂອງພວກເຂົາເຈົ້າ ຈຶ່ງຕົກຢູ່ໃນຄວາມ ລຳບາກໃນຊິວິດນີ້, ເມື່ອເຫັນໄດ້ແນວນີ້ແລ້ວ ຍັງຫາທາງ ຍຸແຫຍ່ສືບຕໍ່ການກະທຳ ຫລອກລວງຄົນລາວ ດ້ວຍກັນອີກທົ່ວທຸກສາລະທິດ ແມ່ນຫມາຍຄວາມວ່າແນວໄດ? ພວກຈັງໄຮໃຈເປັນພຣະ ຫນ້າເປັນມານ ຊາຕານຕົວຈິງອັນນີ້, ຂໍໃຫ້ພີ່ນ້ອງລາວທົ່ວທຸກແຫ່ງຈົ່ງໄດ້ ພິຈາລະນາໃຫ້ຖ້ວນທີ່ ກ່ອນຈະເຊື່ອຜູ້ໄດພວກໄດ ໄນໂອກາດຕໍ່ໄປ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 17, 2017 10:03 PM

(

This is the real face of Lao communism. Lao people who live outside the country must stay away of this hell. Never think you will live in peace there. The Lao government tries to lure you back but at the end of the day your money will be gone and you will be put in jail. The list is long and it can never stop. THINK MORE TWICE before you go back.




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 17, 2017 10:01 PM

ເຕັມຫນ້າ