ຊາວແຂວງເລີຍຕ້ານ ໂຄງການເຂື່ອນນໍ້າຂອງ

ປະຊາຊົນ ແຂວງເລີຽ ແລະ ນັກອະນຸຮັກ ສະພາບ ແວດລ້ອມ ຕໍ່ຕ້ານ ໂຄງກາຣສ້າງເຂື່ອນ ໃນແມ່ນໍ້າຂອງ
ຫວາດ ສີມູນ
2010-11-11
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌

ກົດຟັງສຽງ

ປະຊາຊົນ ແຂວງເລີຽ ແລະກຸ່ມ ອະນຸຮັກ ສະພາບແວດລ້ອມ ບໍ່ເຫັນພ້ອມນໍາ ໂຄງກາຣທີ່ ຣັຖບາລ ໄທແລະລາວ ຈະຮ່ວມມືກັນ ສ້າງເຂື່ອນກັ້ນ ແມ່ນ້ຳຂອງ ເພື່ອຜລິຕ ກະແສໄຟຟ້າ ທີ່ຈະຕົກ ເປັນມູລຄ່າ ທັງໝົດ ປະມານ 69 ຕື້ບາທ ທີ່ວ່າຈະຖືກ ສ້າງຂຶ້ນຢູ່ ເຂຕເມືອງປາກຊົມ ໃນແຂວງເລີຽ ຊຶ່ງຢູ່ເຂຕ ກ້ອງເມືອງ ສານະຄາມ ແຂວງວຽງຈັນ.

ໂຄງກາຣສ້າງເຂື່ອນ ໃສ່ແມ່ນໍ້າຂອງ ຢູ່ແຫ່ງໃໝ່ ດັ່ງກ່າວ ຖ້າຖືກສ້າງ ສໍາເຣັຈ ຮຽບຮ້ອຍແລ້ວ ນັ້ນ ຄາດວ່າຈະ ສາມາດຜລິຕ ກະແສໄຟຟ້າ ໄດ້ເຖິງ 1,079 ເມກະວັຕ ແລະ ກໍເປັນໂຄງກາຣ ທີ່ນັກ ອະນຸຮັກ ສະພາບແວດລ້ອມ ແລະ ປະຊາຊົນ ຊາວໄທ ໂດຽສະເພາະ ປະຊາຊົນ ໃນທົ່ວແຂວງເລີຽ ບໍ່ເພີ່ງປຣາຖນາ ທີ່ຈະໃຫ້ເກີດ ຂຶ້ນໄດ້ ເພາະເປັນກາຣ ສົ່ງຜົລ ກະທົບຕໍ່ ປະຊາຊົນ ຂອງທັງ ລາວແລະໄທຽ.

ກ່ຽວກັບໂຄງກາຣ ສ້າງເຂື່ອນ ໃສ່ແມ່ນໍ້າຂອງ ແຫ່ງໃໝ່ນີ້ ແລະ ເພື່ອເປັນກາຣ ຢັ່ງສຽງທາງ ມູລນິທິ ສົ່ງເສີມສຸຂພາບ ຂອງໄທ ພ້ອມກັບຫ້ອງກາຣ ຂອງຄນະ ກັມມາທິກາຣ ດ້ານສຸຂພາບ ແຫ່ງຊາຕ ແລະອົງກາຣ ຈັດຕັ້ງອື່ນໆ ຕລອດຮອດ ຄນະກັມກາຣ ຈາກສະພາ ສູງຂອງໄທ ດ້ານກິຈກາຣ ກາຣສໍ້ຣາສ ບັງຫລວງ ໄດ້ຈັດກອງ ປະຊຸມຂຶ້ນ ຢູ່ແຂວງເລີຽ ໃນມື້ວັນ ອັງຄາຣ ທີ່ຜ່ານມາ ເພື່ອໃຫ້ ປະຊາຊົນ ໄດ້ມີໂອກາສ ອອກຄວາມຄິດ ຄວາມເຫັນ ແລະ ກໍມີປະຊາຊົນ ທ້ອງຖິ່ນ ແຂວງເລີຽ ບໍ່ໍ່ຕໍ່າກວ່າ 200 ຄົນ ເຂົ້າຮ່ວມ ຊຶ່ງເຂົາເຈົ້າ ກໍໄດ້ສະແດງ ຄວາມບໍ່ພໍໃນ ແລະຂັດຄ້ານ ຢ່າງພ້ອມພຽງກັນ.

ຢ່າງໃດກໍຕາມ ເຖິງແມ່ນວ່າ ໂຄງກາຣ ສ້າງເຂື່ອນໃສ່ ແມ່ນໍ້າຂອງ ຢູ່ແຫ່ງໃໝ່ ດັ່ງກ່າວ ເປັນ ໂຄງກາຣຮ່ວມມື ຂອງ ຣັຖບາລ ສປປລາວ ແລະໄທ ແຕ່ກໍບໍ່ທັນ ປາກົດເຫັນ ປະຊາຊົນ ລາວ ຈະອອກມາ ໃຫ້ຄວາມເຫັນ ແຕ່ຢ່າງໃດເລີຽ ໃນປັຈຈຸບັນ ນີ້.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

ຜູ້ອ່ານທີ່ບໍ່ອອກຊື່

The so-called thai activists who protest against the hydroelectric dams across the mekong river need to reset their mind about the benefits and interests they can get from the dams directly or indirectly in the long run.The hydroelctric dams will provide the green energy that is cheaper and safer than the deadly nuclear energy. Without the hydroelectric dams Thailand will likely to turn to the nuclear plants. Do they like that those shortminded activists?

Jan 07, 2012 07:40 PM

ຜູ້ອ່ານທີ່ບໍ່ອອກຊື່

ບໍ່ຍາກໃຫ້ມີການສ້າງເຄື່ອນ ເພາະ ວ່າ ມັນຈະເຮັດໃຫ້ ສະພາບແວດລ້ອມປ່ຽນແປງ ເຊັ່ນວ່າ: ນຳ້ຖ້ວມ ແລະແຫ້ງແລ້ງ ໃນແຕ່ລະລະດູ

Jan 05, 2012 10:11 PM