ເຈົ້າຫນ້າ​ທີ່ ສະພາບ​ແວດ​ລ້ອມ ທີ່​ແຂວງບໍຣີຄຳ​ໄຊ ທ່ານ​ນື່ງ ​ເວົ້າວ່າ ທາງ​ການ​ແຂວງ ຍັງ​ບໍ່ອະນຸມັດ ການ​ສັມປະທານ ທີ່​ດີ​ນ​ໃຫ້​ແກ່ ບໍຣີສັດ​ ຜລິດ​ເຈັ້ຽ ໂອ​ຈີ ຍີ່​ປຸ່ນ ​ປູກ​ຕົ້ນ ຢູກາລີ​ບຕັສ ​ເທື່ອ ​ເພາະ​ບໍຣີສັດ​ດັ່ງກ່າວ ຍັງ​ບໍ່​ສົ່ງ ​ຂໍ້​ມູນ​ ກ່ຽວ​ກັບ​ ການ​ສຳຣວດ ສະພາບ​ແວດ​ລ້ອມ ​ໃນ​ພື້ນ​ທີ່ ທີ່​ບໍຣີສັດ ​ຂໍ​ມາ. ດັ່ງ​ທ່ານ​ກ່າວ​ໃນ​ຕອນ​ນື່ງວ່າ:

“ທາງ​ບໍຣີສັດ ​ໂອ​ຈີ ຍັງ​ບໍ່​ທັນ​ໄດ້​ໄປ ​ຈັດ​ທຳ ​ກ່ຽວກັບ ​ຜົລກະທົບ​ ດ້ານ​ສ​ະພາບ​ແວດ​ລ້ອມ ​ໃຫ້​ແຂວງ ບໍຣີຄຳ​ໄຊ ທີ່​ວ່າ ການ​​ທຳ​ຢ່າງ​ນີ້ ຈະ​ສົ່ງ ​ຜົລກະທົບ ​ຕໍ່​ປະຊາຊົນ ​ຫລາຍປານ​ໃດ ທຸກ​ຢ່າງ​ຕ້ອງ​ໄດ້ ​ກະ​ຕຽມ​ໃຫ້ ​ໃຫ້​ເຂົ້າ​ໃຈ​ກັນ ​ກ່ອນ ​ໃຫ້​ເປັນ​ເອກ​ພາບ​ໄປ ຈື່ງ​ຈະ​ມີ​ ການ​ອະນຸມັດ ​ດີ​ນ​ໃນ​ການ​ປູກຝັງ”

​ວ່າງ​ມໍ່ໆ ມາ​ນີ້ ບໍຣີສັດ ​ຜລີດ​ເຈັ້ຽ ​ໂອ​ຈີ ຍີ່​ປຸ່ນ ​ໄດ້​ຂໍ ​ສັມ​ປະທານ​ທີ່​ດີ​ນ ທີ່​ແຂວງ​ບໍຣີຄຳ​ໄຊ ຫລາຍ​ພັນ​ເຮັກຕາ ​ເພື່ອປູກ​ຕົ້ນ ຢູກາລີ​ບຕັສ ຫລື​ ຕົ້ນ​​ໄມ້​ເສ​ຖ​ກິດ ທີ່​​ໃຊ້ ສຳ​ລັບ​ ການ​ຜລີດ​ເຈັ້ຽ ​ໂດຍ​ຈະຕັ້ງ​ເປັນ​​ໂຮງງານ ​ຜລີດ​ວັຖຸດີບ ​ແລ້ວ​ສົ່ງ​ໄປ ຂຍາຍຜົລ ທີ່​ປະ​ເທດຍີ່ປຸ່ນ, ທາງ​ການ​​ແຂວງ ກໍ່​ຊອກຫາ ​ພື້ນທີ່ໆ ​ເຫມາະ​ສົມ​ໃຫ້ ​ແຕ່​ຕ້ອງການ ກາ​ນສຳຣວດ ກ່ຽວ​ກັບ ສະພາບແວດ​ລ້ອມ​ກອ່ນ ກ່ອນຈະ​ໃຫ້ ​ສັມ​ປະທານ ​ເທົ່າ​ເຖີງ ປັດຈຸບັນ ກໍ່​ຍັງ​ບໍ່​ມີ ​ລາຍ​ລະອຽດ ​ຈາກ ບໍຣີສັດ ​ດັ່ງກ່າວ.​ ທ່ານ​ກ່າວ ​ກ່ຽວ​ກັບ​ ການ​ໂຈະ ຂອງ​ໂຄງການ ​ດັ່ງກ່າວ​ວ່າ:

“​ແຕ່ລະ​ເມືອງ ທີ່​​ແຂວງ ບໍຣີຄຳ​ໄຊ ຂະ​ເຈົ້າ ກໍ່​ໄດ້​ໂຈະ ​ເຫມືອນ​ກັນ ​ໃນ​ໂຄງການ​ນີ້ ຖ້າວ່າ​ ບໍ່​ມີ​ເຫດຜົລ ກໍ່​ບໍ່​ໃຫ້ ຢຸດ​ຊົ່ວຄາວ ​ບໍ່​ແມ່ນ​ຢຸດ ​ຕ້ອງ​ຢູດ ເພື່ອຈັດ ການ​ດ້ານ ສ​ະພາບ​ແວ​ດລ້ອມ ​ໃຫ້ຣະອຽດ.”

ແຂວງ ບໍຣີຄຳ​ໄຊ ​ເປັນ​ແຂວງ ທີ່​ມີ ສັກກະ​ພາບ​ສູງ ​ໃນ​ການ​ປູກ​ຕົ້ນ​​ໄມ້ ​ເສ​ຖ​ກິດ ​ເພື່ອສົ່ງ​ອອກ ​ແຕ່​ໃນ​ປັດຈຸບັນ ຣັຖບານ ​ເຂັ້ມງວດ​ ກ່ຽວ​ກັບ ການ​ສຳຣວດ ຜົລກະທົບ ​ຕໍ່ສພາບ​ແວດ​ລ້ອມ​ກ່ອນ ຈະ​​ໃຫ້​ສຳ​ປະທານ​ ທີ່​ດີ​ນ ​ບໍ່​ວ່າ​ແຂວງ​ໃດ.

ຄວາມເຫັນ

ທ່ານສາມາດອອກຄວາມເຫັນໄດ້ໂດຍຂຽນຂໍ້ຄວາມໃສ່ຂ້າງລຸ່ມນີ້. (ໃຊ້ຮູປແບບທັມມະດາ).ຄວາມເຫັນທັງໝົດຕ້ອງຜ່ານການກວດກາແລະຈະບໍ່ອອກໃຫ້ເຫັນໃນປັດຈຸບັນ. ກະຣຸນາກວດເບິ່ງໃໝ່ໃນອີກບໍ່ດົນ ບາງທີຄວາມເຫັນຂອງທ່ານໄດ້ຂື້ນຕິດໄວ້ແລ້ວ.