ມີ​ຈຳນວນ ​ປະຊາຊົນ ທີ່​ຍັງ​ຢູ່​ ໃນ​ເຂດ​ດ້ອຍ​ພັດທະນາ ຫລື ປະຊາຊົນ ທີ່​ຍັງ​ມີ ​ຄວາມທຸກ​ຍາກ​ຢູ່ຫລາຍ ​ເຖິງ​ແມ່ນ​ວ່າ ຣັດຖະບານ​ລາວ ມີ​ໂຄງການ ພັດທະນາ ​ໃນ​ດ້ານ​ຕ່າງໆ ມາ​ແລ້ວ​ກໍ​ດີ, ອີງ​ຕາມ ຄໍາ​ເວົ້າ ຂອງ ເຈົ້າ​ໜ້າ​ທີ່ ອົງການ​ຊ່ວຍເຫລືອ ຂອງເອກ​ກະ​ຊົນ ​ແຫ່ງ​ນຶ່ງ ຢູ່​ນະຄອນ ຫລວງ​ວຽງຈັນ ບອກ​ໃຫ້​ຮູ້​ວ່າ

ຍັງມີຫລາຍ ກໍບໍ່ຄາດຄະເນໄດ້ ເພາະວ່າ ປະເທດເຮົາ ຍັງມີເມືອງ ທີ່ດ້ອຍໂອກາດ ມີ 49 ເມືອງ ເມືອງຍັງ ທຸກຍາກຂາດເຂີນ. ຍານາງວ່າ ສຳລັບປະຊາຊົນ ທີ່ມີຄວາມທຸກຍາກ ຂາດເຂີນນັ້ນ ສ່ວນຫລາຍ ແມ່ນຢູ່ທາງ ພາກເໜືອ ແລະ ທາງພາກ​ໃຕ້ ຂອງປະເທດລາວ ຊື່ງເປັນເຂດ ທີ່ມີພູຜາ ແລະ ຍາກທີ່ຈະທຳ ການກະເສດໄດ້. ອີກທັງມີ ປະຊາຊົນ ຢັງຢາຍກັນ ຢູ່ຫລາຍມີ ຄວາມລຳບາກ ໃນການຄົມມະນາຄົມ ເພາະບໍ່ມີການພັດທະນາ ເສັ້ນທາງ ພໍເທົ່າໃດ. ພ້ອມກັນນັ້ນ ຍານາງ ຍັງເວົ້າຕື່ມ ອີກວ່າ:

“ແນ່ນອນ ຢູ່ລາວກໍມີເດັກ ທີ່ ຍັງດ້ອຍໂອກາດ ທາງດ້ານການສຶກສາ ກໍຍັງມີຫລາຍ ໂດຍສະເພາະ ໃນເຂດຊົນນະບົດ ຫ່າງໄກ ສອກຫລີກ ແຕ່ເຮົາ ກໍມີໂຄງການ ພັດທະນາ ທາງດ້ານ ການສຶກສາ ກໍຍັງບໍ່ທົ່ວເຖິງ ເພາະວ່າ ໂຄງການ ຂອງພວກເຮົາ ມັນກໍເປັນໂຄງການ ທີ່ບໍ່ໃຫຍ່ໂຕ ຈຳກັດ ຢູ່ໃນເຂດໃດເຂດນຶ່ງ ເທົ່ານັ້ນ

ສຳລັບເລື່ອງ ການຊ່ວຍເຫລືອ ເດັກນ້ອຍ ດ້ອຍໂອກາດ ແລະ ການແກ້ໄຂ ບັນຫາປະຊາຊົນ ຍັງມີຄວາມທຸກຍາກ ຫລາຍຢູ່ນັ້ນ ທີ່ຜ່ານມາ ກໍໄດ້ຮັບ ການຊ່ວຍເຫລືອຈາກ ທັງພາກຣັດ ແລະພາກເອກກະຊົນ ຈຳນວນໃດ ຈຳນວນນຶ່ງ ແຕ່ບັນຫາເລົ່ານັ້ນ ກໍຍັງບໍ່ທັນ ສາມາດ ໄດ້ຮັບການ ແກ້ໄຂ ຈົນມາຮອດ ເທົ່າທຸກວັນນີ້.

ຄວາມເຫັນ

ທ່ານສາມາດອອກຄວາມເຫັນໄດ້ໂດຍຂຽນຂໍ້ຄວາມໃສ່ຂ້າງລຸ່ມນີ້. (ໃຊ້ຮູປແບບທັມມະດາ).ຄວາມເຫັນທັງໝົດຕ້ອງຜ່ານການກວດກາແລະຈະບໍ່ອອກໃຫ້ເຫັນໃນປັດຈຸບັນ. ກະຣຸນາກວດເບິ່ງໃໝ່ໃນອີກບໍ່ດົນ ບາງທີຄວາມເຫັນຂອງທ່ານໄດ້ຂື້ນຕິດໄວ້ແລ້ວ.