ທາງການລາວຕ້ອງສືບຕໍ່ ປາບກຸ່ມຄ້າມະນຸສ

ສະຫະຣັດ ອະເມຣິກາ ແນະນໍາ ໃຫ້ ສປປລາວ ພຍາຍາມ ຕື່ມອີກ ກ່ຽວກັບ ການຕໍ່ຕ້ານ ການຄ້າມະນຸດ.
ສົມເນ
2011-06-28
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-human-trafficking
ການຄ້າມະນຸດ ແມ່ນຜິດຕໍ່ ກົດໝາຍປະເທດ ແລະກົດໝາຍສາກົນ
RFA

ກົດຟັງສຽງ

ລາຍງານ ປະຈໍາປີ ຂອງ ກະຊວງ ການຕ່າງ ປະເທດ ສະຫະຣັດ ອະເມຣິກາ ກ່ຽວກັບ ການຕໍ່ຕ້ານ ການຄ້າມະນຸດ ຂອງ 184 ປະເທດ ໃນທົ່ວໂລກ, ໄດ້ແນະນໍາ ສປປ ລາວ ວ່າ ໃຫ້ ພຍາຍາມ ສືບສວນ ແລະ ນໍາເອົາ ຜູ້ກະທໍາຜິດ ຄ້າແມ່ຍິງ
ແລະ ເດັກນ້ອຍ ເພື່ອ ເພດສໍາພັນ ແລະ ຄ້າແຮງງານ ມາດໍາເນີນ ຄະດີ ຮ່ວມທັງ ສະເໜີ ໃຫ້ຮ່ວມມື ກັບ ທາງການໄທ ກໍຣະນີ ຄ້າມະນຸດ ແລະ ແຮງງານ ຂ້າມຊາດ.

ລາຍງານວ່າ ຣັຖບານລາວ ບໍ່ໄດ້ ປະຕິບັດ ຢ່າງເຕັມຂີດ ໃນການ ກໍາຈັດ ການຄ້າມະນຸດ, ແຕ່ໃນຂນະ ດຽວກັນ ລາວ ມີຄວາມຄືບໜ້າ ຫລາຍທີ່ສຸດ ກ່ຽວກັບ ຄວາມພຍາຍາມ ໃນເຣື້ອງນີ້. ຣັຖບານລາວ ລາຍງານວ່າ ໄດ້ສອບສວນ ກໍຣະນີ ການຄ້າມະນຸດ 20 ກໍຣະນີ ແລະ ໄດ້ຕັດສີນ ລົງໂທດ ຜູ້ຕ້ອງຫາ 33 ຄົນ. ເມື່ອທຽບກັບ ໃນລະຍະ ຜ່ານມາ ແລ້ວ ທາງການລາວ ບໍ່ໄດ້ຈັບ ຜູ້ຕ້ອງຫາ ມາລົງໂທດ ແມ້ແຕ່ ຄົນດຽວ. ລາຍງານວ່າ ຍັງບໍ່ທັນ ເຫັນວ່າ ທາງການລາວ ໄດ້ນໍາໂຕ ເຈົ້າໜ້າທີ່ ທີ່ສົມຮູ້ ຮ່ວມຄິດ ກັບເຣື້ອງນີ້ ມາລົງໂທດ.

ຣັຖບານ ລາວ ໄດ້ພຍາຍາມ ຊ່ວຍເຫລືອ ຜຸູ້ປະສົບ ເຄາະຮ້າຍ ຈາກການ ຄ້າມະນຸດ ທີ່ທາງການ ໄທ ສົ່ງຄືນໃຫ້. ຣັຖບານ ລາວ ສືບຕໍ່ອີງຕໍ່ ອົງການ ທີ່ບໍ່ຂື້ນກັບ ຣັຖບານ ໃນການ ຊ່ວຍເຫລືອ ຜູ້ປະສົບ ເຄາະຮ້າຍ. ສປປ ລາວ ຍັງສືບຕໍ່ ເປັນແຫ່ລງ ຂອງການ ຄ້າແມ່ຍິງ ແລະ ເດັກນ້ອຍ ໂດຍສະເພາະ ແມ່ຍິງ ແລະ ເດັກນ້ອຍ ຈາກເຂດ ຊົນນະບົດ ຫ່າງໄກ, ແລະ ເປັນທາງຜ່ານ ຂອງ ການຄ້າ ແມ່ຍິງ ແລະ ເດັກນ້ອຍ ຈາກປະເທດ ວຽດນາມ ຈີນ ພະມ້າ ໄປຍັງ ປະເທດໄທ ເພື່ອ ຈຸດປະສົງ ທາງເພດ ແລະ ຖືກບັງຄັບ ໃຫ້ເຮັດວຽກ ໜັກ. ນີ້ຄື ສວ່ນນຶ່ງ ຂອງ ລາຍງານ.

ຄໍາເຫັນ (0)
  • ພິມ
  • ໃຊ້ຮ່ວມກັນ
  • ອີແມວລ໌