ຜແນກ ພາສາລາວ | ຂ່າວສໍາຄັນໃນລາວ | ແມ່ນໍ້າຂອງ

• ພິມ
• ໃຊ້ຮ່ວມກັນ
• ຄໍາເຫັນ
• ອີແມວລ໌

ຄນະກັມມາທິການ ແມ່ນໍ້າຂອງ ວຽດນາມ ມີການທັກທ້ວງ ບໍລິສັດໄທ ທີ່ຕົກລົງ ເຊັນສັນຍາ ສ້າງເຂື່ອນ ໄຟຟ້າ ໄຊຍະບຸຣີ ໃສ່ແມ່ນໍ້າຂອງ ໃນລາວ. ຄນະກັມມາທິການ ແມ່ນໍ້າຂອງ ເປັນອົງການ ລະຫວ່າງ ຣັຖບານ ຊຶ່ງປະກອບ ດ້ວຍ ສປປລາວ ກໍາພູຊາ ໄທ ແລະ ວຽດນາມ ເຮັດວຽກ ຮ່ວມກັນເພື່ອໃຊ້ ຊັພຍາກອນນໍ້າ ແລະ ພັທນາ ແມ່ນໍ້າຂອງ ໃຫ້ຍືນຍົງ.

ຜູ້ຕາງໜ້າ ຄນະກັມມາທິການ ແມ່ນໍ້າຂອງ ວຽດນາມ ທ່ານ Le Duc Trung ກ່າວຫາວ່າ ການທີ່ ບໍຣິສັດ ຊ.ການຊ່າງ ລົງນາມ ໃນສັນຍາ ສ້າງເຂື່ອນ ໄຟຟ້າ ໄຊຍະບຸຣີ ກັບ ບໍຣິສັດ ພລັງງານ ໄຟຟ້າ ໄຊຍະບຸຣີ ຂອງລາວ ເປັນການຣະເມີດ ຕໍ່ສັນຍາ ທີ່ ປະເທດ ສະມາຊິກ ລຸ່ມ ແມ່ນໍ້າຂອງ ໄດ້ຕົກລົງ ກັນໄວ້.

ທ່ານ Trung ໄດ້ກ່າວ ຕໍ່ສື່ມວນຊົນ ໃນວັນທີ 20 ເມສາ 2012 ນີ້ວ່າ ການລົງນາມ ເຊັນສັນຍາ ສ້າງເຂື່ອນ ໄຟຟ້າ ໄຊຍະບຸຣີ ຂອງບໍຣິສັດ ຊ.ການຊ່າງ ຂັດແຍ່ງກັບ ຄໍາຢືນຢັນ ຂອງ ຮັຖບານລາວ ທີ່ຈະໂຈະ ການສ້າງເຂື່ອນ ອອກໄປ ຈົນກວ່າວ່າ ການປຶກສາ ຫາລື ຣະຫວ່າງ ປະເທດ ສະມາຊິກ ລຸ່ມແມ່ນໍ້າຂອງ ຈະສິ້ນສຸດລົງ ເສັຍກ່ອນ.

ທ່ານ Trung ໄດ້ຮື້ຟື້ນ ຂໍ້ຄວາມ ໃນຂໍ້ຕົກລົງ ຂອງ ຄນະກັມມາທິການ ຢູ່ Siem Riep ປະເທດ ກໍາພູຊາ ໃນວັນທີ 8 ທັນວາ 2011 ຊຶ່ງທ່ານ Trung ຢໍ້າວ່າປະເທດ ສະມາຊິກ ທັງໝົດ ເຫັນດີໃຫ້ໂຈະ ການກໍ່ ສ້າງ ອອກໄປກ່ອນ.

ຕາມລາຍງານ ຂອງ ອົງການຂ່າວ The Nation ວັນທີ 17 ເມສາ 2012 ບໍຣິສັດ ຊ.ການຊ່າງ ໄດ້ແຈ້ງໃຫ້ ຕລາດ ຫລັກຊັພໄທ ຮູ້ວ່າສາຂາ ບໍລິສັດ ຊ.ການຊ່າງ ລາວ ໄດ້ລົງນາມ ຕົກລົງກໍ່ສ້າງ ເຂື່ອນໄຟຟ້າ ໄຊຍະບຸຣີ ໃນ ງົບປະມານ ດ້ານ ວິສວະກອນ ປະມານ 52 ຕື້ບາດ ຫລື 1.7 ຕື້ ໂດລາ ສະຫະຣັຖ ໄປແລ້ວ.

ຄໍາເຫັນ (5)

ກົດບ່ອນນີ້ເພື່ອໃສ່ຄໍາເຫັນຂອງທ່ານ

• ພິມ
• ໃຊ້ຮ່ວມກັນ
• ອີແມວລ໌

ເບິ່ງຄວາມເຫັນທັງໝົດ.

• ຟັງຣາຍການສົດ
• ຣາຍການບັນທຶກໄວ້