ສີ່ງທີ່ພັກ-ຣັດ ຍັງປິດບັງຊາວໂລກ

ປະຊາຊົນ ລາວ ຄິດວ່າ ອາດຍັງມີ ນັກໂທດ ການເມືອງ ຫລາຍຄົນ ຖືກກັກຂັງ ຢູ່ໃນລາວ.
ສິດນີ
2013-01-04
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌

ຈາກກອງປະຊຸມ ອາເຊັມ ທີ່ໄດ້ຈັດຂື້ນ ທີ່ ນະຄອນຫລວງ ວຽງຈັນ ໃນຕົ້ນເດືອນ ພຶສຈິກາ 2012 ທາງອົງການ ສິດທິມະນຸດ ໄດ້ຮຽກຮ້ອງ ໃຫ້ ທາງການລາວ ປ່ອຍ ກຸ່ມປະທ້ວງ ທີ່ຖືກຈັບ ແລະ ນັກໂທດການເມືອງ ໃຫ້ເປັນອິສຣະ.

ກ່ຽວກັບເຣື້ອງນີ້ ຄົນລາວ ຜູ້ທີ່ບໍ່ປະສົງ ອອກຊື່ ທ່ານນື່ງເວົ້າວ່າ ນັກໂທດ ການເມືອງ ທີ່ອົງການ ສິດທິມະນຸດ ກ່າວເຖີງນັ້ນ ອາດມີຈິງ ໃນລາວ ແຕ່ກໍບໍ່ມີ ຜູ້ໃດຮູ້ ຍ້ອນເປັນເຣື້ອງ ທີ່ ທາງການລາວ ບໍ່ຍອມ ເປີດເຜີຍ ຈັກເທື່ອ. ຄົນລາວ ຜູ້ນັ້ນເວົ້າວ່າ:

"ນັກໂທດ ການເມືອງ ກໍຫນ້າຊີ່ມີ ເຣື້ອງໂຕນີ້ ເພາະວ່າຣັຖບານ ກຳອຳນາດ ເລື້ອງ ການທະຫານ ເຣືອງໂຕນີ້ ຢູ່ລາວ ເຂົາຈະປິດບັງ ໃຫ້ຫລາຍທີ່ສຸດ ບໍ່ເປີດເຜີຍ ສ່ວນຫລາຍ ປະຊາຊົນ ກໍຈະບໍ່ຮູ້ ເປັນສ່ວນຫນ້ອຍ ຊີ່ຮູ້ ຈະເປັນ ປັນຍາຊົນ ທີ່ມີ ຄວມຮູ້ ຈະຮູ້ເລື້ອງນີ້ ດີ".

ເລົາເວົ້າ ຕໍ່ໄປວ່າ ທີ່ຜ່ານມາ ນັກໂທດການເມືອງ ໃນລາວນັ້ນ ພັກຣັດ ມີນະໂຍບາຍ ຝຶກອົບຮົມ ແນວຄິດ ທາງດ້ານ ການເມືອງໃຫມ່ ເພື່ອໃຫ້ຂະເຈົ້າ ກັບໃຈມາເປັນ ພັກພວກ ດຽວກັນ ໂດຍການສົ່ງໄປ ສຳມະນາ ຫລື ດັດສ້າງ ແຕ່ຫລາຍຄົນ ກໍຫາຍສາບສູນໄປ ມີບາງຄົນ ຍັງຫລົງເຫລືອ ຢູ່ໃນທີ່ກັກຂັງ ໃນລາວ ໃນປັດຈຸບັນ. ແຕ່ບໍ່ຮູ້ ຈຳນວນ ທີ່ແນ່ນອນ ເພາະທາງການ ຖືເປັນ ເຣື້ອງລັບ ບໍ່ເປີດເຜີຍໃຫ້ ປະຊາຊົນ ຮູ້ນໍາ. ໃນເວລາ ດຽວກັນ ເຈົ້າຫນ້າທີ່ ຈາກ ສູນກາງ ແນວລາວ ສ້າງຊາດ ເວົ້າວ່າ ເປັນເຣື້ອງ ຂອງອະດີດ ແລະ ທຸກມື້ນີ້ ຄົງບໍ່ມີແລ້ວ ເພາະ ປະເທດຊາດ ໄດ້ຮັບການ ປົດປ່ອຍແລ້ວ. ທ່ານເວົ້າວ່າ:

"ມັນບໍ່ຮູ້ ກໍຊີ່ແຕ່ຢູ່ ຕະກີ້ ແຕ່ດຽວນີ້ ຈຳນວນນື່ງ ກໍປົດປອ່ຍ ໄປແລ້ວ ສ່ວນຫລາຍ ເຖິງໂຕນີ້ ກໍຄິດວ່າ ຊີ່ບໍ່ມີ ນັກໂທດການເມືອງ ຫລື ຊີ່ມີ ເຮົາກໍບໍ່ຮູ້ ເພາະວ່າມັນ ກໍດົນແລ້ວ ບໍ່ຮູ້ ກໍຄືຊີ່ບໍ່ດອກ ສ່ວນຫລາຍ".

ນັກໂທດການເມືອງ ທີ່ຍັງເຫລືອຢູ່ ໃນຄຸກ ໃນລາວ ອາດເປັນ ນັກເຄື່ອນໄຫວ ຫລື ພນັກງານຣັຖ ຜູ້ທີ່ມີ ແນວຄິດ ບໍ່ກົງກັບ ແນວທາງ ຂອງພັກ ທີ່ຖືກຈັບ ແບບງຽບໆ.

ຄໍາເຫັນ (3)
  • ພິມ
  • ໃຊ້ຮ່ວມກັນ
  • ອີແມວລ໌

ອິນທະສອນ

ຈາກ ພະລານ

ກຸ່ມໄດພວກໄດ ກໍ່ຕາມ ຢູ່ໃນໂລກມະນຸຕສ໌ ນີ້ຕ້ອງການສ້າງ ຄວາມບໍ່ດີ ຫລືວ່າບາບນັ້ນ ແມ່ນເກີດຂຶ້ນໄດ້ໄວ ກ່ວາວິນາທີ, ຕຣົງກັນຂ້າມ ຖ້າຕ້ອງການ ສ້າງຄວາມດີ ຄືບຸນນັ້ນ ສ້າງໄວ້ ຊາຕແລ້ວຊາຕເລົ່າ ກໍ່ບໍທັນກັບ ຄວາມຕ້ອງການ ຄືຄວາມຢາກ, ເໝືອນດັ່ງທີ່ ພັກ-ຣັຖ ສປປລ ນີ້ແລ້ວ ປິດບັງຈຸດອ່ອນຕ່າງໆ ຈາກຕາຊາວໂລກໄດ້ ແຕ່ບໍ່ສາມາດ ປິດບັງຕົວເອງໄດ້ ໂດຍເດັດຂາດ, ຜູ້ໄດພວກໄດ ກໍ່ຕາມ ບາບບໍ່ເຄີຍສ້າງ ບູນບໍ່ເຄີຍມີ ແມ່ນເສັຍສັກສີ ຂອງ ຄວາມເປັນມະນຸຕສ໌ຊາຕ ແນ່ນອນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2013 11:46 AM

ຄົນລາວ

ຈາກ ເມືອງລາວ

ມັນບໍ່ໄດ້ປິດບັງ ຊາວໂລກດອກ ແຕ່ມັນເຢີ້ຍຊາວໂລກ ຕ່າງຫາກ ວ່າ ທີ່ມັນເຮັດໄປ ເປັນເລື່ອງພາຍໃນ ຊື່ງບໍ່ມີໃຜຂັດ ມັນໄດ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2013 10:24 AM

ສົມບັດ

ຈາກ ຫນອງບົວ

ຫວາດສຽວແທ້ໆ, ພັກ-ຣັຖ ສປປລ ບິນໄປ ບໍ່ສຸດຂອບຟ້າ ມີວາສນາ ພຽງແຕ່ເປັນ ແມງຫິງຫ້ອຍ ຄ້າງຢູ່ຕາມເວຫາ, ສ້າງສັງຄົມ ຢູ່ໃນໂລກມະນຸຕສ໌ ສາມາດປິດບັງ ລວງຕາ ຊາວໂລກ ໄດ້ທຸກຢ່າງ ຕາມໃຈມັກ, ສິ່ງທີ່ແນ່ນອນແທ້ໆ ກໍ່ຄື:ກັມດີ ຫລື ກັມຮ້າຍ ຜູ້ໄດສ້າງ ຂໍໃຫ້ກັມນັ້ນ ນຳສະຫນອງ ຕໍ່ໄປທຸກເວລາ ນາທີ ດ້ວຍເທີ້ນ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 04, 2013 09:27 PM