ທ່ານສົມບັດ ຍັງບໍ່ຖືກສົ່ງກັບ

ຍັງບໍ່ມີ ຂ່າວຄືບໜ້າໃດໆ ກ່ຽວກັບ ທ່ານ ສົມບັດ ສົມພອນ ນັບຕັ້ງແຕ່ ທ່ານ ໄດ້ຫາຍຕົວໄປ ເກືອບເຖີງ 3 ສັປດາ ແລ້ວ.
ມະນີຈັນ
2013-01-07
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-sombat
ທ່ານສົມບັດ ສົມພອນ (ຂວາ) ກ່າວ ອະພິປາຍ ການພັທນາ ຂອງ ມວນມະນຸດ ແຕ່ລະຊຸມຊົນ ໃນໂລກ. ໃນວັນຊົມຣົມ ຊົນຊາຕ ເອເຊັຽ-ຢູໂຣບ (Asia-Europe Peoples' Forum Press Conference) ພ້ອມກັນກັບ ການປະຊຸມ ນັກຂ່າວ ໃນວັນທີ 19 ຕຸລາ 2012 ທີ່ໂຮງແຮມ ຈັນທະປັນຍາ ນະຄອນຫຼວງ ວຽງຈັນ.
Screen captured from: Asia-Europe Peoples' Forum Press Conference

ມາດາມ Ng Shui Meng ຜູ້ເປັນພັລຍາ ຂອງ ທ່ານສົມບັດ ໃຫ້ສັມພາດ ຕໍ່ ວິທະຍຸ ABC ຂອງ Australia ວ່າ ທາງຕໍາຣວດ ບໍ່ໄດ້ຕິດຕໍ່ ຫານາງ ໄດ້ອາທິດກວ່າ ແລ້ວ:

"ນາງກ່າວວ່າ ນາງບໍ່ມີຫຍັງ ທີ່ຈະແຈ້ງໄປກວ່າ ທີ່ເຫັນ ໃນກ້ອງ ວົງຈອນປິດ ທີ່ບົ່ງບອກ ວ່າສາມີ ຂອງນາງ ຖືກສັ່ງໃຫ້ ຈອດຣົດ ຢູ່ທີ່ປ້ອມຍາມ ຕໍາຣວດ ໃນ ນະຄອນຫລວງ ວຽງຈັນ ແລະ ຣົດ jeep ຂອງທ່ານ ກໍມີຄົນ ມາຂັບເອົາໄປ ຈາກປ້ອມຕໍາຣວດ ນັ້ນເອງ ບໍ່ຮູູ້ວ່າ ເປັນໃຜ ແລະ ທ່ານ ກໍຖືກ ເອົາຕົວໄປ ໃນຣົດກະບະ ທີ່ຈອດຢູ່ ປ້ອມຕໍາຣວດ ນັ້ນ".

ຣັຖບານລາວ ໄດ້ປະຕິເສດ ວ່າບໍ່ມີສ່ວນ ກ່ຽວຂ້ອງໃດໆ ແຕ່ກັບແຍ້ມໃຫ້ ຮູ້ເຖິງການ ກ່ຽວຂ້ອງ ເຣື່ອງ ທຸຣະກິດ ຫລືວ່າ ຂໍ້ຂັດແຍ່ງ ສ່ວນຕົວ ທີ່ອາດ ເປັນສາເຫດ ຂອງ ການຖືກລັກພາຕົວ ທ່ານໄປ. ຍານາງ ກ່າວຕື່ມ ໂດຍຢືນຢັນ ເຖິງສາມີ ຂອງນາງວ່າ:

"ທ່ານ ບໍ່ແມ່ນ ນັກເຄື່ອນໄຫວ activist ຫລື ນັກຄັດຄ້ານ ທາງການ ໃນຮູບແບບໃດໆເລີຍ ທ່ານເຮັດວຽກ ໂດຍປະສານ ກັບຣັຖບານ ແລະ ທຸກໆໂຄງການ ທີ່ທ່ານດໍາເນີນ ແມ່ນໄດ້ຮັບ ອະນຸຍາດ ຈາກຣັຖບານ ທັງນັ້ນ".

ທ່ານ ສົມບັດ ສົມພອນ ເປັນບຸກຄົນ ທີ່ມີຊື່ສຽງ ໃນພາກພື້ນ ແລະ ໄດ້ຮັບລາງວັນ ກຽດນິຍົມ ດີເດັ່ນ Ramon Magsaysay ໃນປີ 2005 ຍ້ອນຜົນງານ ເປັນຜູ້ນໍາ ຊຸມຊົນ ຊຶ່ງນາງ ກໍບໍ່ຮູ້ວ່າ ສາມີ ຂອງນາງ ຢູ່ໃນຣະຫວ່າງ ຖືກຄວບຄຸມ ຕົວຈາກ ທາງຕໍາຣວດ ຫລືແນວໃດ. ນາງພຽງແຕ່ເຊື່ອ ໃນສິ່ງທີ່ນາງເຫັນ ຢູ່ພາບ ວົງຈອນປິດ ແລະ ຖ້າຣັຖບານ ຫາກເວົ້າວ່າ ບໍ່ໄດ້ຄວບຄຸມ ຕົວທ່ານ ໄວ້ນັ້ນ ນາງກໍບໍ່ມີ ຫຍັງ ທີ່ຈະຄັດຄ້ານ ຫຼືໂຕ້ຕອບ.

ຄໍາເຫັນ (8)
  • ພິມ
  • ໃຊ້ຮ່ວມກັນ
  • ອີແມວລ໌

bb

ຈາກ savannakhet

ຂ້າພະເຈ້າຢາກໃຫ້ ທາງການ ຂອງລາວ ເຮັດວຽກ ໃຫ້ຫນັກແຫນ້ນ ຕື່ມອີກ ເພາະວ່າ ການຫາຍຕົວ ຂອງນັກວີຊາການ ທີມີຊື່ສຽງຄົນຫນື່ງ ບ່ແມ່ນເລື່ອງນ້ອຍ ເພາະສະນັ້ນ ອ້າຍນ້ອງຕຳຫລວດ ຢ່ານັ່ງກິນ ເງີນເດືອນ ເຊື່ງແມ່ນປະຊາຊົນ ເປັນຜູ້ເສຍພາສີໃຫ້ຫລາຍ ພະຍາມທຳງານ ໃຫ້ເກີດຫມາກ ເກີດຜົນແດ່ ນີ້ແມ່ນສຽງ ປະຊາຊົນຄົນຫນື່ງ ທີ່ບໍ່ມັກລະບອບນີ້ ເພາະມີແຕ່ ໂກງ ແລະ ຂູດພາສີ ນຳແຕ່ປະຊາຊົນ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 16, 2013 11:55 AM

Lao

ຈາກ vientiane

We need WTO TO CUT lao communist.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 04, 2013 11:45 AM

Chaychur

ຈາກ LPB

To Radio Free Asia Lao Staff we needed to listen the VOA Laos Services. Now we can not find out the VOA Laos Services because reporter in VOA Laos Services speak very good voice and stronger to report the news.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 15, 2013 01:12 PM

ຄົນທຳມະດາ

ຈາກ ສະຫງົບ

ບໍ່ເຂົ້າໃຈ ກັບບັນຫານີ້ເລີຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 11, 2013 01:55 PM

ບໍຂໍອອກຊື່

ເຫນືອແຜ່ນດິນ ຍັງມີທ້ອງຟ້າ, ເຫນືອທ້ອງຟ້າ ຍັງມີເທວະດາ ຂໍໃຫ້ຄຸນພຣະພຸທອົງຄ໌ ຜູ້ຊົງຕັດສະຣູ້ຮອບດ້ານ ຈົ່ງໄດ້ຄູ່ມຄອງ ຄົນດີໃຫ້ໂອກາດ ທ່ານ ສົມບັດ ສົມພອນ ໄດ້ຮັບແສງສວ່າງ ໃນມະນຸຕສ໌ໂລກ ຄືນໃໝ່ໄນໄວໆ ດ້ວຍເທີ້ນ. ສາທຸ..ສາທຸ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 10, 2013 12:10 PM

ເບິ່ງຄວາມເຫັນທັງໝົດ.