ໃຊ້ອໍານາດມືດຟອກເງິນ "ເຖື່ອນ"

ປະຊາຊົນ ລາວ ເວົ້າວ່າ ມີບາງ ອົງການ ຂອງ ຣັຖບານ ມີສ່ວນພົວພັນ ກັບການ ຟອກເງິນຕຣາ ໃນລາວ.
ສິດນີ
2013-01-08
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
dolars
ເງິນທີ່ໄດ້ຈາກ ການຄ້າ ຢາເສພຕິດ ເປັນຈໍານວນ ຫລາຍລ້ານ ທີ່ທາງການ ບຸກເຂົ້າກວດລ້າງ ຍຶດມາໄດ້ ໃນເຂດ ແມັກຊີໂກ. ຜູ້ໃດ ກະທໍາຜິດ ມື້ນື່ງ ມືກົດໝາຍ ກໍຈະສາວໄປເຖີງ ຈົນໄດ້.
Series of photographs circulating via email and online show millions of dollars in cash seized during a drug raid in Mexico

ຊາວລາວ ຜູ້ນຶ່ງ ໄດ້ເປີດເຜີຍ ກ່ຽວກັບ ທຸຣະກິດ ການຟອກເງິນຕຣາ ຢູ່ລາວ ວ່າບາງອົງການ ຂອງຣັຖບານ ມີສ່ວນກ່ຽວຂ້ອງ ໃນການກະທຳ ດັ່ງກ່າວ ເນື່ອງຈາກວ່າ ເຈົ້າຂອງເງິນ ເຖື່ອນ ສ່ວນໃຫຍ່ ຈະເປັນຜູ້ທີ່ ມີອຳນາດ ໃນລາວ ຫລືກຸ່ມ ນັກທຸຣະກິດ ຜູ້ທີ່ມີ ເສັ້ນສາຍ ກັບທາງການ ຂອງລາວ ຊຶ່ງ ປະຊາຊົນລາວ ເຫັນວ່າ ການກະທຳນັ້ນ ເປັນປະກົດການ ຫຍໍ້ທໍ້ ໃນສັງຄົມລາວ ລາຍໃຫຍ່. ແຕ່ບໍ່ມີຜູ້ໃດ ກ້າເວົ້າ ຫຼືອອກປາກ ທັກທ້ວງໄດ້. ຄົນລາວຜູ້ນັ້ນ ເວົ້າວ່າ:

"ມີຫລາຍ ອົງການ ຣັຖບານ ມີສ່ວນກ່ຽວຂ້ອງ ໃນຣະບົບ ຕົວນີ້ ສ່ວນຫລາຍ ບັນດາ ນາຍພົລ ຕາມຊາຍແດນ ແຕ່ວ່າເຮົາ ກໍບໍ່ສາມາດ ເວົ້າໄດ້ ໃນຊ່ວງນີ້ ຄືຢາເສພຕິດ ກັບໄມ້ຂະຍຸງ".

ນາງເວົ້າ ຕໍ່ໄປວ່າ ໃນເມືອງລາວ ໃນທຸກມື້ນີ້ ຣັຖບານ ໄດ້ອະນຸຍາດ ໃຫ້ເປີດ ບ່ອນຫລີ້ນ ການພະນັນ ຊຶ່ງເປັນວິທີນຶ່ງ ທີ່ກຸ່ມພວກ ເຮັດການຄ້າ ໄດ້ເງິນມາແບບ ບໍ່ຖືກຕ້ອງ ແລ້ວກໍໃຊ້ ບ່ອນຫລີ້ນ ການພະນັນ ເປັນບ່ອນຟອກເງິນ ເພື່ອ ໃຫ້ເງິນທີ່ໄດ້ ມາຈາກ ການຄ້າ ຂອງເຖື່ອນຕ່າງໆ ກາຍເປັນເງິນ ສະອາດ ຖືກຕ້ອງຕາມ ກົດໝາຍ ຝາກໃນ ທະນາຄານ ໄດ້. ຄົນລາວອີກຜູ້ນຶ່ງ ເວົ້າກ່ຽວກັບ ການຟອກເງິນຕຣາ ໃນລາວ ວ່າ ເປັນຂອງ ຜູ້ມີອຳນາດ ເຖິງຈະຮູ້ ກໍເວົ້າບໍ່ໄດ້. ເລົາເວົ້າວ່າ:

"ຟອກເງິນມັນ ກໍເວົ້າຍາກ ເພາະວ່າເຮົາ ບໍ່ໄດ້ ເຮັດວຽກນຳ ຂັ້ນໃຫຍ່ ປານນັ້ນ ມັນກໍຍາກ ຂ້ອຍກໍບໍ່ເຂົ້າໃຈ ວຽກຟອກເງິນ ຂ້ອຍກໍເຮັດ ຫັຖກັມ ມັນກໍບໍ່ຄອ່ຍ ຮູ້ເຣື້ອງປານໃດ ຮູ້ກໍເວົ້າບໍ່ໄດ້ ຢູ່ລາວ ມັນກໍເວົ້າຍາກ".

ຕາມບົດຣາຍງານ ຂອງ ອົງການ UNODC ແຫລ່ງທີ່ມາ ຂອງເງິິນ ເຖື່ອນ ສົກກະປົກ ຫລາຍທີ່ສຸດ ໃນລາວ ແມ່ນການ ຄ້າຢາເສພຕິດ ແລະ ສາມາດ ເຮັດໃຫ້ເປັນເງິນ ສະອາດ ແລະ ຖືກຕ້ອງໄດ້ ຈາກບ່ອນຫລີ້ນ ການພະນັນ ໃນລາວ ຍ້ອນການໃຊ້ ອໍານາດ ໄປໃນທາງທີ່ຜິດ.

ຄໍາເຫັນ (5)
  • ພິມ
  • ໃຊ້ຮ່ວມກັນ
  • ອີແມວລ໌

chanh

ຈາກ vientiane

To Mr./Mrs. ລາວນອກຈາກ ລາວາລ :

ຄຳວ່າ,, ທັມມະ,, ຍຸຕິທັມ,, ສິລທັມ,, ເມຕຕາ,, ສິ່ງເລົ່ານີ້ ບໍ່ມີໃນສັນດານ ພວກໂຈຣ ຄື ພັກປະຊາຊົນ ປະຕິວັຕລາວ.
In fact, you are absolutely right! but what can you do, since that what the Lao people have chosen and that is what they have gotten the ພວກໂຈຣ ຄື ພັກປະຊາຊົນ ປະຕິວັຕລາວ. Now they deserve it, since no one can say EVEN a word so do you! 555+

[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 18, 2013 10:25 AM

ລາວນອກ

ຈາກ ລາວາລ

ຄຳວ່າ,, ທັມມະ,, ຍຸຕິທັມ,, ສິລທັມ,, ເມຕຕາ,, ສິ່ງເລົ່ານີ້ ບໍ່ມີໃນສັນດານ ພວກໂຈຣ ຄື ພັກປະຊາຊົນ ປະຕິວັຕລາວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 14, 2013 10:59 AM

ບໍ່ຂໍອອກຊື່

ມີປະຊາທິປະໄຕ ລວມສູນ ບໍ່ໄດ້ເປັນ ພະເດັດການ ແຕ່ໃຊ້ອຳນາຈມືດ ຂາດແສງສວ່າງກາງວັນ ກໍ່ຄືກາງຄືນ ເປັນປະຈຳ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 09, 2013 05:03 PM

ຄຳໄສ

ຈາກ ທ່າແຂກ

ຄົນດີມີຫລາຍ ແຕ່ບໍ່ດີຈິງແທ້ ພໍກະເທີນ ແລະ ກໍ່ຕົກຢູ່ກັບວົງຈອນ ຂອງຄວາມມືດ, ເມື່ອບໍ່ມີແສງສະຫວ່າງ ຈາກທັມມະ, ກໍ່ອ້າງອຳນາຈ ທີ່ຕົນມີສ້າງຄວາມເຖື່ອນ ເພື່ອໄດ້ບຳເລີກັບ ຄວາມຢາກ ທີ່ຕ້ອງການ ຕາມຄວາມຊອບໃຈ, ອຳນາຈນີ້ແລ້ວ ສຳຄັນທີ່ສຸດ, ຖ້າໃຊ້ໄນທາງ ທີ່ຖືກຕ້ອງ ມັນກໍ່ມີປະໂຍຊນ໌ ປະກອບດ້ວຍຄຸນທັມ, ຖ້າໃຊ້ໄນທາງພິດ ແບບຫູລັບຕັບໄໝ້ ອຳນາຈດັ່ງກ່າວ ທີ່ເຮົາມີນັ້ນແລ້ວ ຈະໃຫ້ໂທສ ແກ່ຕົວເຮົາເອງ ໄດ້ຢ່າງຈິງແທ້ ແນ່ນອນ ພີ່ນ້ອງເອີຍ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 09, 2013 11:58 AM

ດາວຂາວ

ກິເລດຫນາຊາຕາບາບ ກິນບໍຮູ້ອີ່ມ ຊີມບໍ່ຮູ້ລົດຊາດ, ສ້າງແຕ່ຄວາມຢາກ ບໍ່ຮູ້ພໍ, ຢູ່ກັບຄວາມມືດ ສະແຫວງຫາ ຄວາມເຖື່ອນ ສະເທີອນບ້ານ ສະທ້ານເມືອງ ທ້າທາຍກັບ ການພັດທະນາ ຂອງຍຸກໂລກາພິວັດ ຢ່າງຕາເຫັນແທ້ໆ! ຄວາມຍຸຕຕິທັມ ໄປຢູ່ບ່ອນໄດ ກັນໝົດ ນໍ້ ລາວເຮົາເອີຍ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 08, 2013 10:43 PM

ເບິ່ງຄວາມເຫັນທັງໝົດ.